هلا منحتني ذلك اليوم؟؟

يلفني شعور قاتل بالحزن والاكتئاب والافتقاد
اشعر أنني افقد نفسي تدريجيا
افقد ذلك الثبات الذي ادعيه منذ افترقنا

حتى نبضات القلب تخفت يوما بعد يوم... واعلم جيدا انها ستتوقف قريبا
كلما مرت الأيام ازدادت ذكرياتنا وضوحا وثباتا
كلما مرت اليالي ازدات وحدة و شقاء
افتقدك كثيرا ارغب في رؤيتك
افتقد صوتك في حياتي .... ارغب في محادثتك
امنع نفسي كثيرا من أن أهاتفك
أردت اليوم و بشده أن أهاتفك و أقول لك .... فقط امنحني هذا اليوم يوم خاص بنا من حياتك
سأرتدي دبلتي و تردتي خاصتك .... ان كنت مازلت تحتفظ بها

لنتحدث كان شيئا لم يكن.... كأننا نكمل ما بدأناه فقط لليوم

سأدعى فيه أنى سعيدة كما كنت
ستشرق شمسي و ستنبت ورودي

وسأطلق عصفورتي لتغرد في السماء كما لو أنها لن تغرد بعد ذلك اليوم ابدا

و سأفرح كما لن افرح في حياتي بعد ذلك
هل تمنحني هذا اليوم من السعادة؟؟
فقط لننسى ما كان
فقط ليوم واحد
فقط احتاج لهذا اليوم
لا اعرف إن كان صواب أم خطا
اعرف أنها فكره مجنونة تماما كصاحبتها كما كنت دائما تخبرني عن جنوني في حبك
أعلم أنها ستزيد من شقائي بعد انتهائها .... لكن احتاجها واحتاجك
فهل تمنحي إياه ؟
أعدك لن أعاتبك ... لن أريك دموعي.... لن نتحدث عن ما كان أو سيكون بعد انتهاء ذلك اليوم
فاليوم مخصص لسعادتنا
فقط احتاج أن أعيش يوم آخر من حبنا

فقط امنحني ذلك الشعور الذي كان يلفني و أنا معك لكي تتشبع روحي منك فتأخذ معينها منك لكي تستطيع أن تحيى بعدك على ما تبقى من روحك لديها ...... فرحيلك المفاجئ لم يهملها الوقت كي تتشبع منك
ربما يكون لقائنا الأخير

ربما كل ما به ادعاء و محض تمثيل للسعادة

فقط احتاجه ...احتاجه و احتاجك

فهلا منحتني اياه؟؟

تاج الحبيب زي أكل الزبيب و المكسرات كمان

اول تاج ليا مررتهولي العزيزه شيرمين مرسي يا جميل انك فكرتي

يمكن انا على خلاف مع الكتير من المدونين بحب موضوع التاجات دا اوي بحب اقرا ردود الناس على تاجتهم بحس انها بتعرفني اكتر بشخصية الناس و ميولها و بتحب ايه و بتدايق من ايه و بجد بتطلع وجهات نظر مختلفه للاجابه على نفس

فا مرسي يا شيري

................................................................................

أحب شخص لقلبك في الدنيا؟

ممممم انا ليا ناس كتير احب لقلبي في الدنيا بس ماما و احمد اخويا و احمد ابن اختي احبهم لقلبي

***

إنسان مستعد تضحي بحياتك - ركز فى كلمة حياتك - عشانه؟

انا بجد مستعده اضحي بحياتي عشان اي حد بس يكون فعلا محتاج حياتي.......(اه يعني العمر مش بعزقه ... هو يعني اي بعزقه؟؟

***

إنسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

يا ساتر يا رب ... لا مقدرش اتخيل الموضوع دا

بس اكتر حد كرهته لدرجة الجنون هما الصاهينه

***

ما هو:اسم أجمل كتاب كتبه بشر قرأته ومحتفظ به حتى الان؟

رواية ليهاء طاهر : اسمها نقطة النور تحفـــــه

***

اسم كتاب - كتبه بشر برضه - انت متعلق بيه وبتقرأه كل فترة؟

كتاب قصص الانبياء لأحمد رجب ,اسلوبه جميل عملها في شكل قصص جميله و رؤيه اجمل

***

أهم جهاز منزلى أنت متعلق بيه أو بتستخدمه كتير؟

الحاسوب باللغة العربيه الفصحى

الكومبيوتر باللغه المصريه العاديه

الزفت بلغة ماما

компьютер بالروسي

computadora بالأسباني

computador بللغة عمو دافيد سانتوس

حبيبي بللغتي

***

شيء تحس بالراحة النفسية عندما تنظر إليه؟

الاطفال بس بما انهم مش شيء فالبحر ساعة الشروق و الغروب عشان ميزعلش

***

مكان تحس فيه بالحنين الى شيء لا تدرى ماهو و ذكريات جارفة الى لاشيء؟

مكان بيضمني انا و ماما و اخويا قاعدين بنتكلم فيه سوا

***

مكان تحس بالراحة عندما تدخله؟

المسجد

***

اجمل مدينة زرتها داخل مصر ؟

مرسى مطروح

***

شخصية كارتونية بتحبها؟

ego & hina

***

نوع هاتفك المحمول؟
L.G اشتري راحة بالك

***

سرعة بروسيسور جهازك؟

اما احمد اخويا يجي هاسأله للمره المليون

***

حجم ذاكرة -هارد- جهازك؟

80

اه امال ايه معرفش الذاكرة بتاعتنا كام

بس اما يجي اتأكد برده بالمره

***

المساحة التى تشغلها المواد الاسلامية على جهازك؟

والله ماعرف حبه هنا و حبه هناك و هيصه

احمد دا مش منظم خالص

***

نفس المساحة السالف ذكرها فى قلبك -الإجابة لنفسك عشان الرياء يا اخواننا -؟

الاجابه لنفسي ماتخفش

***

أهم هدف انت واضعه لحياتك الآن؟

هدف ؟؟ واضعه ؟؟ حياه؟؟

هي الساعه كام دلوقتي معاك؟

***

مواصفات فتى \فتاة الأحلام بالنسبة لك؟

مواصفات فتى الاحلام بما انه احلام وفي الاحلام يعني لا مانع

انه يتقيني في الله

والله ماعيزه حاجه تاني شوفتواانا طيبه ازاي؟

حد عنده عر..... ؟؟؟... بنـــــــــــــــت .... شوفتوا فهمتوني غلط دايما كدا نيتكوا سيئه انا بقول حد عنده عربيه لونها فحلقي؟؟

***

صف ما يأتى:شعورك لما بتسمع كلمة مصر ؟

بهنج

***

شعورك لما بتسمع كلام عن اليهود؟

لما بسمع كلمة يهود بفتكر انهم قتلة الانبياء فامبستبعدش اي حاجه منهم

اما لو تقصد الصاهينه فبيجيلي شعور من الغضب و الكره الشديد

***

شعورك لما بتشوف ظابط شرطة؟

بتضايق

***

شعورك لما بتشوف الكناس العجوز فى الطريق؟

ببوصوا بيجيلي شعور غريب و الله ماعرفش على طول دايما بيجيلي و ماحدش يضحك بس و الله الي بيحثل بقا بفضل لقول يعني مش لو كان دخل المدرسه وهو صغير و زاكر مش كان زمانه حاجه تانيه خالص؟؟ .... مش قلنا ماحدش يضحك !!!هههه

وبيصعب عليا و بفضل ادعيله ان ربنا يخفف عنه و يعوضه خير دنيا و آخره

***

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

بصراحه بصراحه بصراحه مطلقه

بيجيلي شوية شعورات مختلفه تبع مين الي مالي الجالبيه دي حسب شكله و جسمه

لو واحد طويل و ضخم كدا وماشي مكشر زي معظهم بخاف بصراحه و بحس ان دا امير الجماعه وفي عمليه ارهابيه هتحصل ماليش دعوه بقا احنا قولنا نقول بصراحه

لو واحد رفيوع بقا كدا بس برده ماشسي مكشر برده بخاف وبتضايق

بتضايق من كذا حاجه

اولا التجهم الي معظمهم بيعمله و اصلا رسولنا قال تبسمك في وجه اخيك صدقه فايخلي صورة المسلم انه الشخص الكشري دا الي ماشي زي القطر

بجانب برده ان منظر الجلابيه القصيره و البنطلون القصير اعتقد برده انه منظر مسيء للاسلام وحتى لو بيعملوه سنه دي كلها سنن عادات لبس ايام الرسول مش سنة دين او ان دا بقا الزي الاسلامي

بحس انها دعايه سيئة للاسلام معرفش بقا

بس بضايق

والسواك اه سنه قبل الوضوء بس برده حاجه مقرفه انك تنضف اسنانك قدام الناس كدا في الشارع ولا و انت بتكلمهم

الاسلام حسنا اننا نراعي غيرنا و ماناذيهمش بأي شكل كان

وربنا يهديني و يهدي الجميع و يتقبل صالح اعمالنا

***

إحساس يراودك فى إشارة مرور مغلقة بسبب مسئول كبير؟

بصبر نفسي ان ربنا في يوم من الايام هايعقبهم على الأذى و الضيق الي سببوه للناس دي كلها عشان فرد واحد

و يارب يتسخط لمسؤل صغـــــــــــــــــــــــــــير ويفضل يصغر يصغر يصغر لحد ما يبقى في الحضانه

***

وعلى ذكر المرور بقا

احب امرر التاج دا لكل من

hobaroses
قصاقيص مشاعر
at creation
Hannoda
محض روح
.:.-=- ELGaZaLy-=-.:.
another rosa Dream
proid

voice of love

وجهة نظر
معرض الحياة
nony`s stuff
توته توته
واحدة من الناس
شريف و الحب

Westtwest
Harmless

wanna b a groom

وطبعا الي مابيحبش التاجات مش لازم يتيج خالص انا عندي ديمقراطيه يا جماعه

بس الي يعمل تاجه ليه عندي حاجه حلوه

سلااااااااااااام

......عمو بتاع الـ

كنت مسافره انا وماما و راجعين بعد يوم حافل من اللف و الشراء , انا الي كنت مسؤله عن حركة الشراء اليوم دا ,(ماما بتعملي تدريب صيفي في التدبير المنزلي ال يعني , حبه كدا ثقه في النفس), المهم واحنا بنشتري بما اني خبره جامده طبعا في الأمور الماليه التنظيميه كنا كل مانشتري حاجه اروح مطلعه فلوس مجمده من جوه الشنطه والباقي الي اخده احطه في سوستة الشنطه من بره واجي اشتري حاجه تانيه مدورش في الباقي الي معايا اذا كان يكفي و لا لأ و اخد فلوس مجمده جديده من جوه الشنطة و هكذا اتراكمت فكه كتير خمسات وجنيهات وخمسينات قرش و ربع جنيهات عملو كدا باكو من الفكه الي تطمع الناس فينا على شكل اسطوانه فلوس كبيره , لحد ما السوسته كانت خلاص هتنفجر ,المهم بقا كان معانا شنط كتير و لخمه , وبعد كدا ركبنا ميكروباس الوسيله الوحيده الي ممكن تجيبنا من المكان دا و جايه اطلع الفلوس لا قيت السوسته مفتوحه و الاسطوانه اختفت و باقي فكه بسيطه.... ماختش في بالي قلت اكيد حطتهم جوا الشنطه .... ماهو حبه برا وحبه جوا و هيصه بقا ,و دفعت الاجره وخلاص

كنت قاعده انا جنب الشباك.... اه مانا عيله بقا و احب و احنا مسافرين اعد جنب الشباك عشان اتفرج على الطريق اه ماليش دعوة لازم ا قعد جنب الشباك , وماما جنبي في النص , بعدين جه عمو كدا شكله واحد بسيط لا بس جلابيه زرقاء و ماسك كرتونه في ايده, و الامن خلاص مستتب و العربيه انطلقت بسم الله مجراها و مرساها .... و اذ فجاءتا و بدون سابق انظار لاقيت ماما بتلزق فيا اكتر و بتفعصني في الشباك ,.... انا صحيح بحب اقعد جنب الشباك انما مابحبش اتفعص فيه يا ماما و نتوحد مثل هذا التوحد , وكل علامات الذعر و الخوف و القرف على وشها ولاقيت ماما عايزه تخلع رقبتها من جسمها و تنط بره الشباك بأي طريقه .....في ايه يا ماما؟؟؟ مالك يا حبيبيتي ؟؟..... ,لاقيت عمو بتاع الجلابيه بيقلها ماتخفيش ... خايفه من ايه دي مخلوقات نضيفه قوي والعيال بيحبوها .... ,انا قلت معاه
عصافير و لا على اكبر تقدير معاه كتاكيت بس مؤدبه مابطلعش صوت .... رحت باصه بقا اشوف مامتي قرفانه من ايه قوي كدا و بتفعصني في الازاز بسببه ,لاقيت ورق اخضر كتير كدا زي ورق العنب .... استغربت من ماما قوي هو يعني انتي صحيح بتتقرفي من حاجات كتير بس محصلتش ورق الشجر يعني ولسه انا مندمجه في افكاري الهجوميه الاستنكاريه على ماما لاقيته بيقولها دا بيطلع احسن انواع الحرير في العالم .....وعمال يفضي من كرتونه لكرتونه وماما ياعيني هيغمى عليها ,و انا بقى ,حرير ؟؟؟ عالم؟انقى انواع؟؟ورق شجر ؟ يعيني دا الراجل هنج خالص حرير ايه الي من ورق الش...ولسه بكمل لاقيته ماسكها في ايده ,بيضا ومكلبظه و عمال تلعب و تتلوى كدا بين اديه ,عااااااااااااااااااااااا اهيء اهيء اهيء ,ياعيني ياماما ,ايه يا عمو دا حرام عليك ,وهو بقا ماتتقرفوش ماتتقرفوش خلينا نبيع للعيال,عيال مين انا عايزه انزللللللللللللللل ماليش دعووووووووووووووه وقف الميكربواس يا عم , بس هيه انا بعيد... ماما هي
الجنبه اءاءا و ماما لاءا..... الحمد لله تمت المهمه بنجاح والميكروباس وصل بالسلامه لأرض الوطن ولاقيت ماما صاروخ ارض جو في
الشارع على مسافة اتنين ميل من موقع الجريمة , وانا استجمعت كل قوايا الرياضيه وفريره وراها و في لحظات كنا عدينا الشارع و ماما الي بتقعد تدوخني على مانعدي الطريق دا ونفضل نعمل مناورات عشان نعدي الطريق و افضل اتحايل عليها طب يلا بعد العربيه طب بسرع طب دي لسه بعيده ..دا حتى لو عربيه لسه على بعد ميل قدام تفضل مستناياه لحد ما تعدي و لحد ما كل العربيات الي نفسها تعدي تعدي ,فنعدي ,والطريق يبقى فاضييييي وخلي بالك يا روزا خلي بالك دول ماجنين شوفي دا بيجري ازاي شوفي دا مش باصص قدامه يا ماما ماتخافيـــــــــــــش ,لاقيتها فريريه هناك, النااحية التانيه من الطريق لا همها مجانين ولا مش بصيين وخلاص بقا في الامان ومروحين بقا البيت ,لاقيت واحد من ورانا انتي يا بنتي ... يا بنتي ... انتي يا اموره ....,ها واخدنلي بالكوا من اموره دي انا طبعا ,بنبص ورانا لاقينا عمو بتاع دود القز الي بالجلبيه الزرقا ورانا ,ماما كانت هتعيط ,وقبل ما بقا0 اظهرلها المواقف الدافعيه بتاعتي بقا واقله حرام تخوفها اكتر من كدا ,اكيد مش هنشتري دود قز عشان لانا
عيله من العيال الي هيشتروا قز ولوانا عيله مامتي بتخاف وكمان مش ناويه استثمر فلوسي في تجارة الحرير اوكي ؟؟!!! ,و قبل بقا مانطلق لاقيته بيقول انتوا ضايع منكوا حاجه؟؟ قلتلوا حاجة ايه ,اكيد مش دود يعني .و بصيت على شنطي لا انا اصلا كنت متبته فيهم عشان لو دوده حبت تنط كدا ولا كدا كتغير او جر رجل ماتلاقيش مكان تدخل فيه في شنطي , ويسرعه افتكرت لفت الفلوس الي افتكرت اني عنتها جوا الشنطه ,اه طبعا امال ايه دا انا واعيه جدا واعجبكم .... قلتله ااه .. اه.. فلوس ,قالي كام ,قلتله لفه كدا جنيهات في خمسات كوم على بعضه ,قالي خدي يا بنتي انا قلت انتو الي كونتوا قاعدين هنا فا كيد بتاعتكوبس جريتو بسرعه و راح مادد ايده مديهوملي و مشي ...... وانا زي الهبله من المفاجاه مش مصدقه .... يااه يا عمو ياه هو لسه في ناس عندها الاخلاق و العفه دي ؟ كان عنده الف مبرر و مبرر انه ياخدهم ويشمي و خصوصا اننا مشينا بسرعه وهو كان قاعد يلم في حاجته يااه يا عمو دا انت بتبيع دود قز في الشارع للعيال ,الي مهما بعت منه مش هيطلعوا حاجه في الفلوس الي انت لاقيتها دي و ماحدش كان هيلومك .... كنت عايزه اجري و اسلم عليه جامد قوي اقله انت راجل محترم و الايد الي انا كنت مقروفه منها من شويه دي ,ايد عفيفه الله ورسوله بيحبوها ,كنت عايزه اقله لا خدهم خليهم ,بس قلت لا دا راجل عفيف واكيد عنده عفت نفس ,جريت وراه مشوار طويل كان بيمشي بسرعه ونادي و يا عمو يا عمو وطبعا مش سامعني اذا كنت لما بتكلم في البيت عادي مش بيسموعني .مابلك وانا في الشارع انسي , فاضطريت افضل اجري وراه لحد ماهو وقف تقريبا المكان الي هيبيع ,ورحت مدايله جزء من الفلوس الي لاقاها قالي ايه دا ....عيب يا بنتي... هي الامانه بقيت ليها تمن ولا ايه قلتله لا دا حقك الي بيلاقي حاجه بياخد 10 في الميه منها ودا حقك قالي لاااااا كان نفسي اديهاله كلها بس قلت لا انا مش هجرحه ,
رحت حطاها في جيب الجلبيه بتاعته و جريت ومعرفش يتصرف عشان الكراتين ,صحيح كانت عربيه هتخبطني و انا بجري منه عشان مايرجعش الفلوس بس ولا يهمني , بعدها قالي طب براحه حاسبي العربيه .كنت عايزه اقله فداك يا عموانت راجل شريف و محترم

بس برده مش هشتري دود القز ماليش دعوه بقا

صاحب الحروف الأربعة

كثيرا ما تمنيت ان اجد وصفا لعلاقتنا فأفشل فشل زريعا

فما يجمعنا حبيبي اعمق من أي علاقه عرفها احد ما

ما يجمعنا نتفرد به وحدنا فقط انا وانت .....فنحن وحدنا اصحاب هذا الامتياز

هل تعرف حبيبي ان لك عينين حبيبتين تنظر لي بهما فأرى عمق حبك واحساسك بي

اعرف ان الكثيرين لن يفهموا ماتمنحنا اياه تلك العلاقة التي لا يمكن ان توصف..... لكن لا يهمني ... فما يهمني هو اننا نعرف

لا ادري بماذا اخبرك يا صاحب الحروف الأربعة التي اعشقها فقط لأنها تنتمي اليك

انت تدري حتما كم احبك ............,تماما كما ادري كم اعني لك

هل يعرف احدكم ماهو احساس ان تعيش مع شخص ما الف احساس واحساس
هو نفس الشخص لكنه يمنحك ملاين الاحاسيس وانت معه ............فلا تحتاج لكلمة احبك فهي ضئيلة جدا وسخيفة
جدا مقارنة لما بيننا........ فما بيننا هو فعل الحب نفسه وليست فقط مجرد الكلمة

فعل الحب بكل ألوانه واشكاله التي يمكن ان يتمثل بها

استطيع ان اكون حبيبة قلبه ويكون حبيبي ,

ثم سرعان ما يتبدل إلى أبي بكل ماتحمله الكلمة من معنى فيدللني ويشعرني انني ابنته الوحيدة التي لم ولن ينجب غيرها .......فأنا جوهرته التي لم يرى لها مثيل

فأتشبع بأحاسيس الحنان والأمان.......نخرج سويا فيحوطني بعينيه الحبيبتين لتحفظني فأشعر اني بحماية اعظم رجل بالعالم
,,فأفتخر امام الجميع.... انا اعرف هذا الرجل

ثم يمنحني ذلك الشعور الرائع بالأمومة والمسؤلية فيصير ابني المميز ,فأعشقه وادوب في تفاصيل حياته
,استمتع وانا احضر له اشيائه بحب و استمتع اكثر وانا ارى نتائج ما حضرت على عينيه .......,انظر لهما في وجل
في انتظار نتائج ما حضرت ..... فتتراقص الفرحة في عيني عندما يخبرني انها اعجبته

,وإذا اردت صديق فلا اجد من يصدقني غيره ...... نتحدث ونتحدث حتى ننسى الزمان والمكان.......نضحك ونبكي سويا فتندمج روحينا في الفرح والهم فلا اكون وحيده ابدا في وجوده

لا اجد مرآة اصدق منه تعكس روحي ....وترى ما بداخلي على حقيقته متله .....وكأنه قد خلق فقط لتلك المهمة

وإذا اردت ان امرح فعنده كل الالعاب فلن اشعر معه بلحظة ملل فهو يعرف تماما ما يفرحني ويسلني

احترمه و يحترمني......يتحدث امام الجميع بفخر يذيبني خجلا ,هل حقا تراني كذلك؟؟وهل انا تلك الملاك التي تحكي وتتفاخر بها

,اتحدث عنه فلا تسعفني الكلمات ,جميعها تفشل في الحديث عن بطلي الوحيد

اغار عليك وتموت احتراقا من غيرتك وكيف لا نغير وانا حبيبتك وانت حبيبي..........اتذكر غيرتي العمياء عند اي محاولة لأي بنت تتقرب فيها منك ومحاولتي المستميتة لاظهار غير ذلك ,لكني اعلم انك تدرك ما ينتابني
مازلت اذكر تلك الورقة التي قرئتها بالصدفة انك لا تعرف كيف ستتعامل مع من سيأتي ويخطف قلبي وكيف
انك ستطر للتعامل معه بحب فقط لأنه يحبني ......وكيف ترى انه لا يوجد أحد على وجه الدنيا يستحقني ,

لكن حبيبي اعلم و تأكد انك وحدك لديك تلك المكانة الخاصة دائما في قلبي تتربع فيها وحدك ولا يمكن ان ينافسك عليها احد مهما طال الزمن ومهما قالت الأيام كلمتها...... ,فما بيننا لا يمكن ان يتأثر بأي شيء ......وما بيننا شيء خاص يجمع بيني وبينك انا وانت فقط , شيء تشعر الناس بقشوروه فيحسدونا عليه ويتغنوا به ويخبروا الجميع عنه

و نعلم فقط انا وانت حقيقته

هل اخبرك بسر ..... هل تعلم اني كثيرا ما احسد نفسي على وجودك في حياتي ,فوجودك في كل تفاصيل حياتي يمنحني ذلك الشعورالرائع الرائع الذي لا يخضع لأي حسابات للمنطق او العقل .......فأنت فارس أحلام اي فتاة وانا احيا مع ذلك الفارس وحدي

تغيب يوم اشعر اني على حافة الجنون ,تقتلني وحشتك وكيف لا توحشني وانا الان افتقد روحي و رفيق دربي, نعم رفيق دربي و روحي ,

معك تعلمت على يدك كاعظم معلم معنى رفيق الدرب

هل تتذكر تلك اللحظات التي جمعتنا...........هل تتذكر ابحارنا سويا و مغامرتنا التي كنا نقوم بها ونحن مازلنا في نفس المكان

هل تتذكر موسيقانا الخاصة التي كنا نؤلفها فنكمل بعض بدون اي ترتيب مسبق .......فأنت تفهمني وانا اعرف كل
تفصيلة تدور بعقلك بمجرد لمحة عين

وكيف لا نعرف ونفهم بعض وانا وانت قد ولدنا من نفس الرحم و تنفسنا نفس الهواء ,كيف لا احبك و لا تعشقني وقد مر الآن منذ شهر مضى , 23 عاما وبضعة ايام جمعتنا سويا .......عرفتك فافتخرت بك وبحبك لي في كل مكان ودعوت ربي كثيرا ان يبقي ما بيننا إلى
الأبد يا صاحب اجمل عيون رأيتها في حياتي

لا اتذكر اننا اختلفنا او تخاصمنا طوال هذه الثلاثه وعشرون عاما من عمرك مرة واحدة فقط

أخي وصديقي و حبيبي و ابي و رفيق دربي صاحب الحروف الأريعة , رغم انك تتصغرني بذلك العام .....إلا اني دائما ماكنت اشعر اني طفلتك المدلله

اعلم ان كل ما قد يمنحني السعادة هو ان اجد فقط ابتسامة رضا على شفتيك

بحبك وربنا مايحرمنيش منك

......................................................................

رب اوزعني ان اشكر نعمتك التي انعمت علي وان اعمل صالحا ترضاه

من يردّني

من يردّني ؟؟؟

من يردّني لسنين براءتي؟؟؟

من يردّني لأحلامي الوردية و ثقتي المطلقة بالآخرين

ومن اخبركم اني اريد ان احيا في دنياكم

كل ما اردته ان احيا في دنياي الصغيره التي كان اقسى ما بها من شرور اجده في فيلم ليس اكثر فأبكي و أبكي ,
رغم ثقتي البلهاء ان ما يحدث هو محض الخيال

فوجدت ان الحياة اكثر قسوة بكثير من مجرد فيلم,

و ان من يعيشون تلك الحياة لم يعودوا يؤمنون بالبلهاء امثالي

و امثالي لم يعد لهم مكان في تلك الحياة

تقولون لي ان تلك طبيعة الحياة وقانونها , ولكي احيا بها لابد ان اتعلم ولكي اتعلم سأتألم

من قال لكم اني اريد ان اتعلم
كل ما اريده انا احيا فقط بين قلوب, احبها وتحبني وتحب الآخرين

قلوب ترى الحق حق و الباطل باطل

قلوب لا تزيف لا تخدع لا تدعي

كل ما اردته ان احيا حياه بسيطة تملأها الحب و الصفاء لا يوجد بها صرعات و انانية وحب النفس

لم ارد مالا .....لم ارد جاها

لم ارد سوى قلوب محبه

كل ذنبي اني اردت ان احيى تلك الحياة البسيطة

تفترسني الأسئلة ذوات المخالب وتنهش رأسي فتأكله بلا رحمة

هل ذنبي اني كنت اعتقد في الآخريين؟؟

هل علي حقا ان اقتلع زهوري من تلك الحياة وان اعيش بتلك الصحراء المقفرة ؟

هل علي ان الطخ أحلامي الورديه بالسواد لكي استمر وكي استطيع مواجهة الحياة والخوض فيها؟؟

و لماذا؟؟

لماذا عليا ان اتقبل تلك الحياة كما هي و ان اتقبل تلك القسوة وتلك الحقائق كما هي؟؟

اليس من يعيشون تلك الحياة بشر تملك قلوب , وقد وضع الله رحمته في قلوب الناس؟؟

لماذا يجب عليا ان امحو كل احلامي و كل ايماني في الآخرين لمجرد ان تلك هي طبيعة الحياة وتلك هي طبيعة بشر هذا الزمن؟؟

و متى ؟ متى تعود للقلب برائته و متى تعود للروح نقائها؟

الروح تشيخ يوما بعد يوم و الجرح يزداد اتساعا و نور القلب يخفت يوم بعد يوم والعين تحتاج لغمض ابدي

اشعر ان كل ما بي قد تلوث بدنياكم اشعر ان كل ما يحوطني ملوث بقاونين تلك الحياة , عذرا اقصد تلك الغابة

قلبي تلوث , عقلي تلوث , روحي تلوثت

فمن يرد لي نقائي من يرد لي برائتي

ين يردني لرحم امي فأتشبث به ولا اخرج منه ابدا

صدقوني لن اخرج منه ,لن ازعج احدا ,

لن اطلب شيئا

فكل ما ارديه ان احيا بسلام,

هل هذا كثير؟؟

اشعر احيانا اني على حافة الجنون ,

اريد ان انفجر ,

حقا اريد ان انفجر حتى اصبح ذرات في يوم عاصف ,

فلا تجد مني ذرة اختها

لا اريد ان التقي ونفسي مرة اخرى

فقد اريد ان اختفي

اريد ان افقد ذاكرتي , فلا اتذكر احلامي او برائتي

لم اعد راغبة في حياتكم

لم اعد راغبة في دنياكم

فقط اريد عالمي الصغير

يا رب اللهم اني اشكو اليك ضعف قوتي وقلة حيلتي وهواني على الناس انت رب المستضعفين وانت ربي لا الاه الا
انت,الى من تكلني إلى بعيد يتجهمني ام إلى عدو ملكته امري, ان لم يكن بك علي سخط لاابالي ,غير ان عافيتك هي
اوسع لي ,اعوذ بنور وجهك الكريم الذي اضاءت به السموات وصلح عليه امر الدنيا ان يحل عليا غضبك اوينزل عليا سخطك, لك العتبى حتى ترضى ,لك العتبى حتى ترضى,لك العتبى حتى ترضى ولا حول ولا قوة لنا إلا بك

.................................................................................

يا جماعة بليز ان بعتذر لو كنت سببت اي حزن او ضيق لحد بالبوست دا فكرت اني امسحه عشان الكائبه الي فيه دي والعملية مش ناقصة عند كتير من الناس , بس رجعت قلت لا دي افكار مريت بيها واثرت فيا و التدوين احلى ما فيه انك بتكتب الي جواك

بس حبيت اعتذر لو البوست كئيب بس صدقوني مش قصدي , وصدقوني البويت لا يحمل اي قنوط او يأس من رحمة الله ,فقط حسيت اني زعلانه من الدنيا شوية واني مصدومة شويتين من تصرفات النس وقلبها للحق ولمفاهيم الحياة السوية

وسوري مرة تانيه يا جماعه :)