من كام يوم لقيت أخويا بيقولي إن صاحيه كان بيساله على واحد أخويا يعرفه و متقدم لأخته وأيه رأيه فيه و كدا ... فلما عرفه قاله لا بلااااااش دا كان خاطب صاحبة روزا و بتقول أنه مش كويس .... صاحبتها إلى إسمها فاطمه فاكرها؟؟ قاله آآآآآآآآه دي الي كانت هيا و أختك شرطه مدرسية و إحنا في إبتدائي
و هنا كانت الصاعقة
يا عينيييي هوا احنا مأثرين في العيال كدا لدرجة إنهم لسه فاكرنا من أربعتاشر سنة فاتت اننا كنا شرطه مدرسية !!!!!!!!!!!!!! قلته ايه يا احمد هوا تأثيرنا كان قوي كدا !!! قالي دا انتو كنتوا جبارين
ههههههههههه
مع اني مش فاكره اي حاجه عن طفولتي المشرده غير إني كنت نسمة عابرة
:D
هههههههههه
مش عارفه ايه الاشعات المغرضه دي و بعدين احنا كنا بنحقق الأمن و الاستقرار في البلد احمم احم قصدي المدرسة
اعدت افتكر كدا اكتشفت فعلا اني كنت مرعبه عشان فاكره اني في يوم و انا بتابع حالة الأمن في الفسحة لقيت بنت صغيره في سنه أولى شعرها إتشبك في فرع شجرة و هيا بتلعب ... و يا دوب فكتلها شعرها من هنا و البنت راحة جرييييييييي هربانه و قعدت تقولي و هيا في قمة الرعب مش هعمل كدا تاني مش هعمل كدا تاني ... يا بنتي هوا انا كلمتك
بس أكيد هيا فاطمه الي كانت مرعبه و عشان احنا ماشيين سوا كانت العيال بتترعب و فكراني شريرة انا كمان
انا .... دا انا كنت نسمه يا جماحه
بس بجد اكتشفت دلوقتي ايه سر الخوف الي بيتزرع جوانا من اي حد صاحب سلطه بالذات لبتوع الأمن.... انا كنت عيله زي بقيت العيال بس شاطره و المدرسين بيحبوني و مشتركه في كل حاجه , رياضه و رسم و مسابقات و ليا شعبيه فطبعا دي احد المميزات الي تأهلني اني امسك منصب قيادي كبير في الداخليه 00000 يييييه قصدي في امن المدرسه
تصورا كدا عيله زيي زي غيري بس حطيت على راسي كاب احمر و في دراعي شريط احمر (ايوه طبعا رتبه امال ايه ) بقى ليا سلطات جامده و اتحكم في العيال زي مانا عايزه
و تتفتحلي كل الأبواب المغلقه و امشي في الأماكن المحظوره , سلطه بقى يا جماعه و حصانه جامده
يعني كان ممكن ادخل عادي جدا جدا أوضة الألعاب و أخد الكور الي عايزاها أو أمشي في أي دور و الفسحة شغالة و طبعا ليا الحق في تعيين المساعدين بتوعي الي كانوا في بعض الأوقات بيزودوها شويه و يرعبوا الناس .. لكن دي ضريبة المسؤليه هيييييه هنعمل ايه بس
:D
سلطات سلطات يا جماعه
بس عشان بكلمكوا كدا و بسبكوا تقلولي روزا كدا بمنتهى البساطه دا بس تواضع العلماء , انما انا كانت ليا سلطات جامده جدا جدا لدرجة اني مرة و انا في رابعه ابتدائي الميس طلبت مني اني اقف على العيال ( و اكيد طبعا مش هقف فوقيهم افطسهم... لا يعني اراقبهم لحد ماترجع) بس فلكم بقى ان تتصورا لما اكون رائدة الفصل من اربع سنين بنتخابات حرة مستقله نزيهه و في نفس الوقت شرطه مدرسيه ايه الي ممكن يحصل يا جماعه
انا راضيه حكمكم
و انا واقفه بقى بعد ما اسنفذت كل طاقتي في الصبر و المحياله و يا جماعه مايصحش و ارجوكوا و الي هيتكلم هكتب اسمه على السبوره لما الميس تيجي هتشوفها .... و الميس مابتجيش
طب يا جماعه الي هيتكلم هيقبى حمار و هنضحك عليه... فيسكتوا طبعا عشان كرامتهم لكن برده بعد شويه الحمار يروح متكلم و بعدها الفصل كله معاه ..طب خلاص الي مابيحبش ربنا يتكلم راح جاي واحد خارج عن القانون و الدين طبعا و راح متكلم .. وهنا كنت جبت آخر موارد الصبر و العقل و الحكمه عندي ...يالك من صنديد رعديد زنديق ... رحت قايله له مش قلت ماحدش يتكلم ... و طااااااااااااااااااااااااخ ................. ايوه هوا كدا بالظبط زي ماتخيلتوا
ههههههههههههه
حتة قلم محترم ( بجد شريرة و مكسوفه من نفسي) على وشه يا عيني اسكت الفصل كله و محدش حط منطق كان يا عيني اسمه سيد راسه مربعه كدا و شعره اورانج اورانج وكان أبييض و عنده نمش , و يا عيني اكتفى بالعياط لانه قال و الله لاقول للميس لما تيجي و لكن بما انه ماكنش شاطرو الي مش شاطرين يقعوا في أسفل المثلث الغذائي للسلطات و القدره على أخد الحقوق ... فانا بسطله بصه طرحته ارضا بعد ان كانت قد رفعته جوا و قلتله و ريني كدا هتقول للميس ازاي ؟؟؟؟؟هو انا مش قلت ممنوع الكلام ؟؟؟ هاااااا؟؟ انت كدا غلطت و لا مغلطتش , قال غلطت
قلت يبقى خلااااااااااااااص
و جت الميس و ماقلاهاش حاجه
شخصيه برده يا جماعه
:D
بعدها بكام يوم تكررت نفس الواقعه بس المره دي لواحد اسمه احمد سمير و كان شاطر شويه فراح قال للميس قالته ايوا انت غلطان و راحت جابه قايلاي لوحدي ماعتمليش كدا تاني
بس و عدى المضوع
( بس لما ماما عرفت ساعتها زعلت مني و فهمتني ان كدا طبعا غلط ) ماما دي غريبه
كله عشان الحفاظ على الأمن القومي بس
:D
ههههههههههههههههه
بس ماتفتكروش إني فضلت كدا على طول عشان في آخر سنه في إبتدائي إتغيروا المدرسين وجالنا اتنين مدرسين رجاله و لما جنا نعمل إنتخبات المدرس صمم إن رائد الفصل لازم لازم يبقى و لد و الأمين المساعد بنت فطعبا مابقتش رائده بنتخبات غير نزيه فاجتلي صدمه نفسيه عشان التفرقه العنصرية دي و إعتذلت العمل السياسي بعد كدا عشان اتيح فرصه للجيل الجديد
:D
---------------------
بجد مش مستوعبه الي كنت بعمله دا و كنت فاكره بجد اني كدا بعمل حاجه كويسه
و فعلا مش مصدقه ازاي يخلوا اطفال يتحكموا في اطفال و يدوهم سلطه يتحكموا في غيرهم و الأطفال بطبعها شريرة
و ازاي يبقى حد زيي زيك مايفرقش حاجه غير اني اديته سلطه و امكانايات انه يتحكم في حد زيه بالظبط
------------------------------------
و في الأخر بليز يا سيد و يا احمد سمير بجد سورررررررري سامحوني كنت شريرة- بس كله عشان الأمن...و أنا مـتاكده انكوا مقدرين
:D
36 comments:
أول تعليق يا رز ولا ايه مش عارف
بس المهم طبعا بوست جميل رجدعني انا شخصيا لايام زمااااااان قوي لما كان الواحد طالب
قال يعني من نص قرن هههههههههه
وطبعا ده مش غريب
هي دي الست
لما تديها سلطة
وتحكميها في رقاب الناس
هيا دي الست
لما تدي فرصة لجبروتها انه يطلع على جتت الواحد
هيا دي الست لما تتحكم وتمسك بصولجان الحكم و السلطة بايديها الاثنين فيبقى في ايديها زي عصاية الكركيت تشوط بيها اي حد
هههههههههههه
إوعى تزعلي مني يا روز
خلاص أنا آسف
منش حاعمل كده تاني
مش حأعمل كده تاني
مش حأعمل كده تاني
آخر مرة
حرام عليكي
طاااخ
خالص تحياتي
احمد
العقد النفسيه والكلاكيع ابتدت تظهر
على فكره دي ظاهره صحيه جدا جدا
وانا قريت في كتاب علمي اسمه اه واه من شربات
ان الانثى بطبعها عندها نزعة عنف ازيد من الرجل
مش انا اللي بقول دي شربات
وان الانثى بطبعها لما بتفتكر ايام مجدها زمان وايام قوتها بتحاول تنفذ ده في الوقت الحالي
لو مش مصدقاني اجبلك شربات بنفسها .. انا هكذب يعني
ملحوظه
حضرتك كان في تاج كنتي عايزاني اجاوب عليه حضرتك
ياترى التاج ده حضرتك لسه موجود
حضرتك
سعادتك
سيادتك
سلاموووووووووووز
عندي حالة ازبهلال جامدة بعد ما خلصت البوست
وكل ما أقرأ فقرة ابص لصورة البروفيل
و احاول اتخيل ازاي البراءة دي ممكن تعمل كدة
انا مش مصدق
:))
هههههههههههههههههههههههههه
لا بجد
انا كمان كنت شرطه مدرسيه وكنت قادرة ومفتريه
هههههههه
وكانت الميس بتوقفنى على الفصل بس الصراحه مضربتش حد
:))))))))))))))
بس انتى عندك حق بس حبه سلطه بتخلى الواحد ايييييه
اه لو الواحد يعرف انها مش دايمه
بوست تحفه يا روزا
tedraby elwad bel2alm ? eh el2odra de we kaman temna3eh eno yeshteky la danty konty wasla kewayes en eltany a2m besawra 3ala elgabarot we elmiss farmeletk wa elle kan fatk delwa2ty fe 3esabat elmafia
bs akeed el2lm dh kan a7la 2alam elwld dh 7'ado fe 7ayato
we mahma 3amalty kolena 3arfeen en 2albk 2alb 7'asaya
ههههههههههههههههه
هههههههههههههههه
هههههههههههههههه
تعرفي انا كرهت البنات بسبب كده
ههههههههههههههههه
تحط إيديها في وسطها
ولسانها بالحكم والمواعظ
طخ طخ طخ
يا ساااااااتر
ومش تفكريني
ده أختي الصغيره بتعمل فيه عمايل
انت مش بتذاكر ليه
انت بتلعب ليه
انا هروح اقول لبابا
يااااااااااه
ويبقى اخرتها إني اضربها وبعدين اجبلها مجلة فله علشان مش تزعل
هههههههههههههههههه
ههههههههههههههه
بجد الماضي جميل جدا
شكرا جدا على البوست الرائع ده
:)
روزا العادلي
اخبارك ايه يارب تكوني تمام
ايه الفزع اللي انتي حسستيه ليا دة
انا حاسس ان الكومبيتر هينفجر في وشي
بس بجد خسارة ان قيادة امنيه زيك كدة مايستفيدوش بقدراتها الخارقة في حفظ الامن وتحقيق الامان في بلادنا العزيزة
تحياتي واحتراماتي
موجه
اه يا احمد اول تعليق نورني
:)
بس دا انت شكلك طلعت بتعز البنات قوي و انا مش واخده بالي
:D
تعليقك ضحكني بجد
هههههههههههههه
soooo
يا اهلا يا اهلا البلوج نور
اخيرا أشرقت الأنوار !! :)
على فكره كتاب أه و أه من شربات دا كتاب مغرض و مدسوس عشان لا يمت للحقيقه بصله
:D
عشان انا نسمة دلوقتي
:D
اكيد طبعا التاج لسه موجود
جنابك عشانك
اودامك
دايما منورني و مستنية التاج
:D
اسكندراني في الغربة
للاسف دي الحقيقة يااسكندراني
:$
بس دا لما كنت لسه صغيره و براءة الأطفال في عيني
بس و الله انا هادية دلوقتي و مابعملش حاجه لأي حاجه
داانا غلبان
eric matt
:) :)
ايوه كدا البوج نور من تاني
shayma
ايه رأيك؟؟
هههههههههههههه
دااحنا زمايل كفاح بقى
اكيد انتي مقدرة البوست دا كويس قوي مش كدا؟؟
نورتيني يا جميل :)
dr.gesho
walhi ya dr kolo kan 3ashan 7efz el2mn ana kont ba2om belwageb bet3ay we estnfezt sidatk kol el2slib el mmkona bas howa el msm3sh klamy
:D
امير الهدوء
نورتيني يا مامير الهدوء
بس و الله ماكنتش بحط ايدي في وسطي و لا حاجه
انا كنت بتكلم بس
وربنا يخليك لأختك و تجبلها في مجلات كمان و كمان
:D
مبسوطة ان البوست عجبك
:)
a.samir
:D
مانا اعتزلت بقى عشان الأجيال الجاية تاخد فرصتها
و كله عشان الأمن و الآمان
:D
تحياتي و مرسي لوجودك :)
هايلة يا روز قيادية قيادية يعنى
انا كمان كنت شرطة مدرسية بس علشان عندنا الميث كانت بتدى الرجاله حقوقهم شوية شكلها كانت بتنضرب فى البيت كتير فكان دايما رئيس الفصل ولد وانا الامين المساعد ... بس ده مين كنت بثبته وتبقى السلطة كلها فى ايدى انا .. ولو كان قاوح كنت بديله الساندوتشات بتاعتى ويقعد هو محلك سر
desert cat
ايوا طبعا
لازم التظبيط
:D
القيادي لازم يتصرف برده
نورتيني بجد :)
:))
wade7 en sayed dah fashel we shakloh ba2a sawa2 microbus delwaqty we law 2ara elpost hayrodd el 2alam da be kteer :)
fa 7awly testakhabby elayam deh b2a we rapena yostor..
ana 3alafekra sha3ry eswed we mafeesh namash fi weshy we maleesh ay 3elaqa be SAYED khaless..
tesada2y kaman ma ba7ebesh atkalem..
ana msh me7tag eny arghy :))
هو انا كنت زيك بس مبضربش الولاد مش وحش انك تبقى سلطه من صغرك بس الوحش والمصيبه انك متلاقيش حد يوجهك للصح يعنى العيب كان على الكبير فهمتى ادى لاى حد سلطه فى ايديه وهو هيستخدمها غلط الا بس اللى فاهمين الحياة صح
كنا بنخاف من اى حد معدى حاطط على ايده شارة حمرا
ونخاف نمشى حتى من جنب الناظر
ونخاف من مدرس بتاع الرسم
ونخاف ونخاف ونخاف
وقليلا ما كنا نشعر أننا نحترم أحد
لكن كله خوف
تحياتى
اول مره لدخولى مدونتك ... مدونه ممتازه احييكى عليها
rosa
اخبارك ايه؟؟
بقالى فترة مجتش زورتك
بس غصب عنى
الغربة بقى
عارفة
فى تجربة اتعملت فى امريكا على ما اطن كان الهدف منها يشوفوا مدى استجابة القائمين على السجون والمعتقلات للعنف والتعذين اللى بيطلب منهم ينفذوه
مش فاكر التفاصيل بس فى نهاية التجربة اكتشفوا ان نسبة قليلة جدا اللى رفضت تنفيذ اوامر التعذيب الصادرة ليها
والباقى كان بينفذ وممكن يزود كمان
ممكن نكون احنا بنحب السلطة
وبعشق النفوذ والقوة
وعلى قد حبنا ليهم
على قد ما ليهم فتنة
وفكرى كدة هوه كل الطغاة دول ونظمتهم بالكامل اتولدوا فى ايدهم كرباج..؟؟
فان
مش عارفه
بس عايزه اضحك
بقا انتي مسالمه
انتي شكلك كنتي شريره بجدددد
يا بنتي ىالبلد ماشيه كده
كله خايف من بعضه
ههههههه
بضحك برضه
ههههههه
زيزي
يا لهوي ي ي ي!!!!
:)
انا مرة واحده الميس وقفتني على الفصل و اتبهدلت آخر بهدلة و طلعلي واد شهم كده وأخد مني ورقة الاسماء اللي قطعوها مني و قالي روحي انت أقعدي مكانك وبهدلهملي كلهم
هههههههه
فعلا ده اسلوب في قمة التخلف انهم يزرعوا بين الأطفال حب التسلط ويخلقوا بينهم الحساسية و إحساس بالضعف قدام اللي وراه ظهر
وبعدين نزعل أما يكبر و يتخرج من الشرطة و يعذب المساجين
على قد العنف اللي حكتيه ده
على قد ما واضح قوي انك بتشوفي الموضوع بتعقل واضح وفهم.. وعجبني قوي آخر فقرة كتبتيها
ياما حاجات عملناها و إحنا أطفال و بنتكسف منها ع الآخر دلوقت و مابنحكيهاش أبدا
لكن لما نحكيها كده بشجاعة و نطلع منها بمعني يضيف للكل.. بصراحة ده اللي مفروض يحصل
عجبني البوست ع الآخر
:)
ووحشتيني
هنا الجنة
hehehehehehehee
aywa el 2dab fadlo 3ala el 3lm bardo
:D
kol elwed :)
appy
و هيا حياتنا و الي بيحصل حوالينا ايه غير كدا
نورتيني :)
الطائر الحزين
كل ما لا نستوعبه , نخافه و نهابه
نورتني :)
السيد شبل
و يا رب ماتكون الأخيره :) :)
مبسوطه ان المدونه عجباك
:)
نورتني
van gogh
تمام الحمد لله
ربنا يعينك يا رب
اكيد يا فنان ماهم فتنه برده
أكيد كانت هتبقى مشكله كبيره
هيا المدرسه ايه غير حاجه مصغره للأواضع الي حوالينا
و لا ايه
:)
نورتني
meekness!!!
اضحكي يا جميله مانا كتباااه عشان تضحكوا اصلا
و الله مش شريره خالص دي كلها اشاعات مغرضه
ربنا يفرحك على طول
hannoda
هنوووووده و حشتينيييييييي
يا بنتي لازم الشخصيه القويه عشان تبقي قياديه
:D
و بعدين ما هيا الدنيا فعلا ما هي الا المدرسه على كبير , بشخصياتها و احداثها
دايما منوراني يا رب كدا :)
يا مامتي على الإجرام
ايه دة!!! دة انتي طلعتي كارثة
ههههههههههه
ياااااااااااااه...المدرسة وأيامها الجميلة
أنا كنت برضه أمينة الفصل بتاعي أغلب السنين بالتزكية...بس مكنتش سي السيد زيك كدة :):):):)
ضحكتيني أوي يا سكرة...ربنا يضحكك ويفرحك كمان وكمان
:)
نوني
noony
دي قدرات بقى يا نوني
هههههههههههه
ربنا يسعدك كمان و كمان
نورتيني يا سكر
لا يا روزا العيب فيكي على فكرة ((:
أنا كنت من الناس دي بردو زمان بس عمري حتى ما سبت اسم حد على السبورة لغاية لما المدرسة تشوفه
كنت بقول له لو سكتت همسح اسمك فيسكت اروح ماسحاه (:
كانوا بيصعبوا عليا بجد وكنت محترمة آدميتهم ((:
امرأه تقول الذي يقال
اولا منوراني
ثانيا انا بتكلم عن طفله في تانيه او تالته ابتدائي
الموضوع مافيهوش آدميه و لا للا
اكيد بحترم آدميتهم بس اكيد لما تكوني طفله و مش فاهمه حاجه اي حاجه بتصدر منك
ولا ايه؟؟
Post a Comment