Saturday, March 1, 2008

هديتي الجميله

يوم عيد ميلادي الصبح لاقيت ماما بتصحيني عشان تديني هديتي الجميله دي
صحتني من عز النوم .. كالعاده
هههههههه
مش عارفه اقول ايه عن احساسها ده بديا
و يا رب اكون كده فعلا زي ما بتوصفيني
ماما .... بحبك




ما بين اليقظة و النوم أسمع زقزقة عصفور وحيد


يذكرني بصوتها هامسا حنونا


حين تسمعه ينقل الفرحة و الدفء إلى اذنيك ثم الى روحك


مابين اليقظة و النوم اتسائل لماذ االيوم يوقظني ذلك الصوت الهامس القادم من بعيد


اتذكر أنه يوم ميلادها


أعتبر يوم ميلادها هو يوم ميلادي


تحسدني جاراتي عليها


يقولون إذا لم تحققي شيئا في الحياة ... تكفيكي روزا


حقا .. تكفيني روزا


فهي تمنح من يحيطها .. ذلك الدفء الفائض بالأمان


عندما أسافر أو أبعد عنها .. أجدني أبحث عنها في الوجوه


يرتد النظر إلى حسيرا .. فأنا لا أجدها في تلك الوجوه


ليست في تلك الوجوه .. فينبغى أن أبحث عنها في الأرواح


فهي تملك روحا .. لا تملك وجها أوجسدا فقط


أعود سريعا لأجدها و كأنما تنتظرني خلف الباب الموصد


تكون أول وجه أقابله


تزول همومي فور لقائها


تبادرني ... وحشتيني يا ماما



-----------




فوق سريرين متقابلين بالأمس.... استلقينا نتبادل الحديث


كعادتها لم تذكر شيئا عن يوم ميلادها ... لم تطلب شيئا لنفسها

فقط ابتسمت


------------------











في طفولتي كان القمر صديقي


أنتظره كل ليله ..يعطيني بعض من ضياءه


انسج من خيوط ضياءه حلمي


و في الليالي التي كان يغيب فيها .. يرسل لي جنيات الخيال


تقص عليا قصص من الأساطير


وتلعب معي في بعض الأحيان


وظللت لأعوام أنتظره من خلف نافذتي المُأطرة بسياج من حديد


يمد لي شعاع من ضوءه


يمسك بيدي


يخرجني من ذلك السياج الحديدي في رحلة على شاطيء نهر من خيال


وطريق تظلله تلك الأشجار الهامسه أوراقها خوفا من أن توقظ الشمس


فيهرب القمر بيضائِه


ولما ارتفعت البنايات حولي ورحل القمر عن نافذتي.. أخذ معه ضيائه


صعدت فوق سطح منزلي ..رجوته ألا يحرمني من لقائه


وعدني أنه سوف يمنحني يوما جزءا من ضيائه


و سيرسل معه يوما جنية من جنيات الأساطير


ومرت الأيام ... ورحل القمر عن سمائي


وظلت جنيات الأساطير تاتيني برسائل من القمر


أسائلها عن وعده لي بمنحي جزء من ضيائه


وذات يوم .... ليلته شديدة البروده


من ليالي النصف الأخير من فبراير


جاءت جنية الأساطير و معها جزء من ضياء القمر وطوق ياسمين


همست لي الجنية هاهو القمر بإذن ربه يفي بوعده


أسجد لله شكرا ...هذه لياليا لم تعد مظلمه


و يكبر الضياء


و يصير جواز سفري إلى بلاد الأمل و البهجة


يصبح كلحن جميل يؤنس وحدتي


كطائر السنونو يصدح بالفرح ويملأ مهجتي


كل عام وأنت بألف ألف خير يا صغيرتي يا طوق الياسمين
يا أسطورة من زمن الحواديت

يا مدن الضياء .. يا زهرة البرتقال


كل عام وأنا سعيدة لكِ و بكِ




----------------------------




مش عارفه اقول ايه بجد بس مرسي اوي يا ماما

اجمل هديه جاتلي

معنديش غير بحبــــــــــــــــك و يا رب اكون عند حسن ظنك فيا











18 comments:

موجة said...

اول تعليق
الله يا روزا
الله عليكي
ايه الكلام الجميل ده يا روزا
حقيقي بوست هايل
مشاعرك دي ما لهاش حل و بتترجميها صح
انتي مشروع قاصة هايلة
و ممكن شاعرة

خالص تحياتي
احمد

بطوط حبوب said...

البوست حلو اوى
فيه مشاعر بجد
ربنا يخليكم لبعض يااااااااارب

Lobna Ahmed Nour said...

مش عارفة اقول ايه بعد الكلام الجميل ده

شيء اكثر من رائع

تحياتي ليكي ولوالدتك

ويارب دايما حبايب

dr.gesho said...

elle 3ando mama zzy mamtk de msh me7tag 7aga tanya heya nafsaha hedya mn elsama.
rabena yr7`aleko le b3d we salamy le seyadet elmodeer el3am

Soooo said...

ربنا يباركلك في والدتك وتفرح بيكي وبولادك
ويباركلها فيكي وترفعي راسها وتكوني البنت الصالحه الباره بأهلها

وكل سنه وانتي طيبه تاني مره


ملحوظه
فين الجاتووووووووون؟؟؟؟؟



سلامووووووووووز

micheal said...

يا بخت ماما بيكي
:)
مشاعرك و أحاسيسك راقيه جدا حدا يا روزا
تحياتي

الجنوبى said...

على النعمة من نعمة ربى انتى يابت يا روزا بت زى الفل ربنا يخليلك ماما
عمرو

Anonymous said...

بجد بسمالله ماشاءالله عليكو
ربنا يخليهالك يا روزا بجد
ويحميكو لبعض

سلميلى عليها كتييييييييييير اوى بلييييييييز

سلامى يا قمر

الطائر الحزين said...

ربنا يخليكوا لبعض

تحياتى

عبسميع said...

اهلاً

طبعًا بقالي بتاع تسع ست سنين معلقتش اصلاً ولا جيت

كالعادة هقولك معلش وبتاع يالا كل مرة :)

البوست تحفة بجد
ربنا ميحرمكوش من بعض ان شاء الله ويكرمك

تحياتي
محمد

دينا فهمي said...

ما شاء الله
ربنا ما يحرمكم من بعض (:
وكل سنة وانتي طيبة

Unknown said...

يابختك
والدتك بتجيبلك هديه
ربنا يخليكوا لبعض
انا نفسي حد يجيب ليه هديه
هديه لاطفال فلسطين المشرده

Hannoda said...

الله يا روزا

كلام دافي وجميل و غالي قوي

الله لما يكون الحب فقلب أم قادر يتكلم و يقول على اللي فيه
و الله أما يهديها ربنا ابنة حساسة و قلبها عارف يستقبل و يفهم

مش عارفة أقول حاجة

ربنا يخليكوا لبعض و يحفظهالك و يحفظك ليها

زُمُرده said...

الله الله
احلى كلام
وادفى مشاعر
عند روزا تلاقيها

احساسك روعه
حسيت بالحب فايض بينكوا
والخير جوا القلوب

ربنا يجعل كل ايامكم حب واعياد وخير
ويخليكوا لبعض
*****************8

انا مقصره ...عارفه
بس حاولي تقدري ظروفي
لأنك غاليه

حـــــدوتـــــة said...

السلام عليكم
ربنا يخليكوا لبعض
الام دى قيمه كبيرة والواحد مبيحسش بيها غير بعد ما تضيع منه
او لما يتجوز ويلاقى مراته مبتعرفش تطبخ اكل ذى امه
بوست جميل
تحياتى

محض روح said...

ربنا يخليها ليكي يارب ومش يحرمك منها ابدا
:)

سندباد said...

اكثر من رائع واحساس في منتهي الرقة
تحياتي

Moony said...

ربنا يخليهالك يارب

تحياتي