وحشتني مدونتي قوي
زي الايام دي من شهر كنت بستعد لفرحي و للتغيير الكامل الحصل في حياتي
شهر عدى عليا زي الحلم
زي فيلم بتفرج على احداثه و مش ممكن اكون جزء منه
مشاعر كتير قوي مريت بيها خلال الأيام دي
افقدتني القدرة على التعبير
حلم ... فيلم ...حقيقة ... خيال مش عارفه
المهم انها احداث و بتحصل و مش قادره استوعبها او اعبر عنها لحد دلوقتي
من اول زوجي الي بيهبرني يوميا بوجود انسان بيحمل الكم ده من الحب و الحنان في قلبه
و ان ربنا فعلا عوضني بيه عن اي الم مريت بيه في حياتي
لحد دنيتي الجديدة بعيد عن امي و اخواتي و اصحابي
والمي لفراقهم و لمعرفتي قد ايه انا و حشاهم
و خاصة امي ملاكي و اخويا رفيق دربي
و افتقادي الشديد لأعدتنا الليلية سوا
مع محاولة التأقلم على الحياة في بلد مابيجمعكش بيها غير مشاهد و ملامح لناس كنت بتتفرج عليهم في الأفلام الاجنبية
لدرحة انك تتبسط اوي اما تسمع كلمة عربي بالصدفة هنا و لا هنا
مشاعر كتيرة اوي جوايا
ما بين حنين و حب و افتقاد و فراغ و انبهار و محاولات تأقلم و فرح و دموع ودفى
قدام كل ده مابقتش بعرف اتكلم او حتى اعبر عن مشاعري
-----
اليها هي حبيبتي ... امي ملاكي
افتقدك و افتقد احساسي و انا معك اتنفس نفس الهواء
افتقد نبرة صوتك تملأ وجودي و تحتويني
-----
اليه هو .. فارسي
ارجوك .. توقف عن ابهاري بكل ما بك و منك و عنك
38 comments:
لست أملك أن أقول الكثير ... لكن جعلني الله كما تحبين وتتمنين دوما ...
:)
ربنا يسعدك ويهنيكى ويبارك ليكى فى أهلك
د/هيما
عود حميد بهذا البوست الجميل يا روزا
تحياتي
منورة يا روز .. ربنا يسعدك
رسالة اليه
ابهرها اكثر واكثر فهي تستحق كل الخير
ياااه الاف الاميال وملايين الثوانىالتى تمر ببطء كائماتوقف الزمن لايريد ان يبرح منذ رحيلها ودوما اتسائل هل مر اعام هل مر الف عام اعودالى حجرتهاانظر الىفراشهاعلى اطرافهمازالت بعض من ملابسهاتحمل تلكالرئحه الجميله لعطر جسدهااحملها بحنوادفن وجهى بهاابحث عن عبيرها اضعها تحت وسادتى الملم المناديل الورقيه التى تحمل بقايا زينه عرسهااضعهاهىالاخرى تحتاوسادتى لاانام حتى اشم عبيرهاوفى الصباح ابحث عنها فى الوجوه فى الزهور فى نسات الفجرالنديه فىاجنحه الفراشات اسال شوارع مدينتى اسمع معها فى الخيال سلين ديون my heartwill go onوكين دود فى tears وويتنى هيستونiwanna run to you اسمع صوتها فىموسيقى ينى اشتاق اليكى ياصغيرتى لكن مايعزينى انك مع من يعرف لغه الزهور والالوان منحنى الله اخ لابنى اشتاق اليكى
العود احمد ...ربنا يسعدك يارب...البوست بيقطر رقة يا روز
ربنا يهنيكوا ببعض
بجد مبسوط ليكى جدا لانى عايش و حاسس نفس السعاده دى من يوم ما كتبت كتابى
يااااااه يا روزا
أخيرا؟؟
حاجات كتير قوي حسيت بيها و أنا بقرا البوست
أولهم انك واحشاني.. مدونتك.. اسلوبك.. رقتك و احساسك
تاني حاجة الفرحة الكبيرة بيكي و بفرحتك و بالحدث الجميل قوي ده وتمنياتي ليكي بحياه جميلة سعيده مع إنسان سهل قوي نحيه كلنا عشان بيسعد قلبك
تالت حاجة استغراب شديييد جدا
افتكرت لما كنت بتقولي كلام قريب قوي و يهون كتير
وكنت بقراه و أنا من خلاله ببص على مصر و اروي غربتي
ودلوقت حسيت انك بتكلمينا من غربة ماكنتش فيها قبل كده ويمكن غربة أصعب من غربتي
بس مش حاتكون غربة
لازم ما تسيبهاش تكون غربة يا روزا.. وده سهل مع انسان بتحبيه و بيحبك
سهل تكون مكان ولاده أجمل حياه و نموها سنة ورا سنة وأم تخلص الغربة حاتكون ذكرى جميلة تفتكروها طول العمر
واحشاني من هنا لعند.. و(عندك) ده واضح انه بعيد قوي
بس مهما كان بعيد
لسة كلماتك قريبة و روحك مرسومة ينها
وبرضه قادرة تدخلي و تلمسي قلوبنا و تفرحيها و تقربيها منك و مننا احنا نفسنا
سعيييييييده بيكي جدا يا روزا
وبعدين لما يتوقف عن إبهارك تقولي مابتبهرنيش ليه
على ما قلت الست سعاد، ما تحبنيش بالشكـل ده
تحياتي يا روزااا ... يا جميـلة
وكل سنـة وإنتي أجمـــل
ربنا يكرمك يارب و يفرحك دوما
و تبقى سعيده و مبسوطه على طول فى بيتك الجديد ..
يااااااااااااااه
بجد وحشتينى قوى
بجد فرحانة بيكى وليكى وعشانك قوى
بجد هدعيلك قوى ربنا يديم نعمه عليكى
بجد انتى تستاهلى احسن حاجة فى الدنيا
ربنا يباركلك ويبارك فيكى وفيه ويرزقكم الذرية الصالحة اللى تفرح قلبكم
بس ساعتها ماتنسيناش وتبعدى عننا
بجد بحبك قوى منغير ماشوفك
ربنا يكرمك ويفرحك دايما
الى روزا واحمد
اعودالى التى كانت واحتى
احمل بقايا قلب
منسوج من
قروح من جروح
اتفقد الحجرات الخاويه
ابحث عن الوجوه فوق الوسائد الخاليه انقشهافوق جدار القلب المتهاويه
منذ حط طائر الفراق فوق واحتى
الليل ياتى بعد الفجر
والبرد ياتى من حضن الشمس
اشتاقاليكم ياثمارالقلب
بجد مبروك...مبروك عليك حياتك الجديده..ومبروك عليك انك لقيتى القلب اللى يستاهلك وياخد باله منك...وتمنياتى لك من كل كل كل قلبى انك تستمرى فى السعاده دى طووووووووووول العمر.
لولا
الف الف مبروك يا روزا يا جميلة و يا رب دايما فرحانة و يهون عليك الغربة فرحت لك قوى من قلبى و عيونى دمعت من الفرحة و ربنا يديم الحب بينك و بين جوزك دايما آمين
الف الف مبروك ولو انها متأخره
وربنا يسعدك ويبارك لكم ويرزقكم الذريه الصالحه
ودايما تكونوا فى سعاده انتى وكل الاسره الكريمه
اسف على التأخير فى المباركه لكن الفر فى بلاد الله الواسعه هوا السبب
ما شاء الله ألف مبروك يا روزا و ربنا يا رب يكمل لك على كل خير و يرزقكم بالذرية الصالحة إن شاء الله
و يهون عليكي غربتك يا رب
كلماتك جميلة قوي يا ماما
ربنا يصبرك على غيابهم و يقرب البعيد يارب
:)
عارفة يا روزا كلماتها فرحتني عشان حسيتها من ريحتك
وحشتيني يا بنتي
قوي قوي
متابعة مسلسل سارة اليومين دول و كل ما اسمع الاغنية بشوف مدونتك قدام عيني و حسك واحشاني قوي و ادعي يا رب اسعدها
يارب اسمع عنك كل خير
ربنا يسعدك اكتر واكتر
وتطمنى على كل اللى بتحبيهم
سعيد بيكى..وسعيد ليكى
فان
Anonymous
اميـــــــــــــــــــــــــــــــــــــــــــــــــــــــــــــــــــــــــــــــــــــــــن
:)
Dr-Hema
و انت كمان يا رب
micheal
اشكرك
Unique
ده نورك يا قمر :) :)
ماما
معنديش تعليق مناسب
الكلام اكبر بكتير من قدراتي
بحبك قوي
.:.-=- ELGaZaLy-=-.:.
اشكرك يا غزالي :) :)
dr.gesho
اميــــــــــــــــــــــــــــــــــــــــن
و يهنيك و زوجتك ان شاء الله
Hannoda
ياااااااااااااااااااااااااااااااااااااااااه يا هنوده ماتعرفيش كومنتاتك دايما بتفرق معايا ازاي
بتمسني قوي قوي
انتي كمان وحشاني قويييييييي من عندي لعندك الي هما حوالي 9 ساعات فرق توقيت
:)
شكرا هنوده
ابراهيم ... معايا
هههههههه لا ماتخفش
و انت طيب :)
catroz
اشكرك :)
البلوج نور :)
gogo we bas
انتي كمان يا جوجو قوي قويييييييييييييييييييييي
كتير عليا قوييييييي بجد كل ده مش عارفه اقلك ايه
عمري مانساكوا ابدا
وو انا كمان بحبك قويييييي قوييي
ربنا يسعدك يا رب :)
ماما
و نحن نشتاقك يا شمسنا
احبك
Lola
الله يبارك فيكي يا رب مرسي جدا جدا
و انتي كمان يا رب و اكنر كمان
نصف اخضر نصف يابس
الله يبارك فيكي يا رب و عقبالك ان شاء الله
فاكره؟؟ قصتنا بدياتها كانت واحده و ان شاء الله هتفرحي و تسعدي زي
:)
غرباوى
لا مش متأخره ولا حاجه :)
الله يبارك فيك
اشكرك على التهنئه :)
Om HAGAR
اميـــــــــــن :)
مرسي روزا :)
و يباركلك في هجورتك الجميله يا رب :)
Hannoda
يا رب يا هنوده و يصبرنا احنا كمان يا رب
انتي كمان دايما وحشاني :)
طب ايه الاخبار المسلسل لسه شغال عشان يفكرك بيا؟؟ :)
Van Gogh
و انت كمان :)
شكرا :)
يا شيخة ..
وانا معرفش ..
طب نقول مبروك حتى ..
ربنا يديمك هانئين ..
محمد العدوي
معلش بقى
:)
عقبالك
:)
اشكرك
Post a Comment