كم افتقدكم
شعور قاتل بالعجز
ان يفصل بينك و بين احبابك آلاف الاميال
ملاين اللحظات من الافتقاد
تكاد تنفجر روحك فقط لتشعر بلمسه واحده منهم
فقط لتتشبع بصوتهم بلا وسيط
فقد لتشعر بدفء وجودهم يمللأ حياتك من جديد فقط ولو للحظه واحده
لحظه واحده
تلتقيهم بأحلامك
تكره ان تستيقظ على تلك الحقيقه
فأنت مفتقد روحك
فسمائك لا تظللهم
هواءك الذي تتنفسه لا يحمل عبيرهم
فتستسلم لنوبه من البكاء الحاد
ففي تلك اللحظه بالذات لا تملك منهم شيئا سوى احلامك
لا تملك ان تكون معهم
----
امي .. اخي .. اختي .. ابن اختي
اشتاقكم حتى الموت
16 comments:
بعد الشر عنك ...
وقريبا ان شاء الله تنعمين بلقيا الأحبة بلا وسيط أو بعيد...
:)
خفف الله عنك حبيبتي
سلام عليكي يا روزا
اولا و مع انها جاية متاخرشوية
بس الف الف الف مبروك بانك مع انسان جميل في عنيكي و بتكملوا سوا حياتكوا
يا رب يسعدكوا يا رب
..
ثانيا
انا عارفة ان البعد عن اقرب الناس ليكي صعب
بس انتي معاكي انسان بيحسسك بامان و حب و دفا الوطن
معلش
ربنا يخفف عنك المك من بعدهم و يفرحك و يسعد ايامكوا سوا
سلام و متعيطيش ابدا
مها
روزا اقولك حاجه
شخص واحد يكفي
يهون عليكي حتى تلقي احبتك
اوعا تعيطي تاني يا بنت انتي
ماشي
ربنا معاكي
زيزي
روزا
أجيبك بدموع القلب لقد افترقنا بالاجساد لكن روح شفافة مثلك لا تفارق المكان فالرائحة التى تتركها تملاء عبيرها ارجاء المكان وذكريات الضحك والدموع محفورة علي جدار القلب لايمحها ابدا
بعد المكان حتى لوكان الالاف
الاميال
ابنتى .......ابنى
موت من اشتياقكم
روزا حبيبتي
يارب يهونها عليكي و عليهم يارب
احنا كمان اشتقنالك بنفس القوة
دايما بقول فينك يا روزا و ياترى اخبارك ايه
وببقى نفسي فبوست تقولي فيه انك مبسوطة عشان قلبي يطمن
ربنا يصبرك انت وهمّ لإني عارفة قد ايه الشوق موجع و بالذات مع قلب حساس زيك وزي ماما
-------------
تكاد تنفجر روحك فقط لتشعر بلمسه واحده منهم
-----------
الجملة ده حسيتها لأقصى درجة لانها حقيقية جدا
وحشاني قوي و فرحانة اني لقيت حاجة منّك
ماتغبيش كده كتير
ويارب يهنيكي يااارب
بحبك جدا
تحياتي
ربنا يهنيكوا ببعض
والغربة لها أكثر من طعم منها الإغتراب عن الأهل
تحياتى
ان شاء الله ربنا يقرب البعيد
وتكونوا مع بعض على طول
بس طالما فاكراهم وفى قلبك
اكيد هما فاكرينك ويتمنوا يشوفوكى
وبيحبوكى
برضه
اللقاء قريب
ااقولك
البعد مش بعد المسافات ولا الاجساد
البعد بعد الارواح
يمكن بعاد عنك بجسدهم
بس قرييبين منك بروحهم
فى ناس قرييبين بالجسد مسافرين عنك ولا تستطيعى رؤيتهم ولا تستطيعى لمس مشاعرهم
سبحان الله
وفى النهايه اسأل الله ان يجمعك بمن تحبى ويردهم اليك رد جميل
ازيك يا جميلة انا لسه شايفة تعليقك
انتي فين في امريكا
لو حابة نتكلم في التليفون ونبقى على اتصال
ابعتيلي اميل
او دوري عليا بالنيك نيم جيرونيمو ع الفيس بوك
بس بالانجليزي طبعا
حسيت بموضوع البطاطا ده قوي
يا سلام عليها بقا في شوارع وسط البلد في الشتا او قدام ساقية الساقية لما نشتريها ونمشي ناكلها ونعدي بيها كوبري الجلاء
ماليش دعوة انا عاوزة اكل بطاطا
اعزميني بقا يمكن نطلع في نفس الولاية
حبيبتى روزا:
حاسة بيكى ربنا يهون عليكى الم الوحدة و الغربة بس عاوزاكى تشوفى الجانب الحلو فى الموضوع, لما يكون معاكى حبيبك تهون كتير الحكاية و مش بس كدا هتقربوا اوى من بعض و تبقوا
روح واحدة ,كونى له ام و صديقة و حبيبة هيكون لك كدا هوا كمان
ربنا يجمعك باحبابك قريب
وتستمر ابداعات روزا
ادعو الله ان تلتقتى من تشتاقى اليهم قريبا و الا تفترقوا ثانته
لكن بالتاكيد هناك دائما من يخفف وحشة الغربه
تحياتى
ربنا يهون عليكي وحدتك وسعيد بعودتك للكتابة يا روزا
تحياتي
ان شاء الله تعالى تلتقى بالاهل والاحبه قريبا وربنا يحفظك ويحفظهم وتكون ايامكم كلها سعاده
اسف لعدم السؤوال لكنها الحياه تسرقنا من بعضنا البعض
سمعينى عنك قريب وخلى بالك من نفسك
الله على كلامك وبوستك رائعين بجد وحشنى قوى كلامك الجميل الدافىء المليان بالحنان والطيبه والمشاعر الجميله بجد تسلمى
ربنا يجمعك بيهم علي خير
باذن الله
الايام بتجري
Play Roulette at MAME Casino - Mapyro
Play Roulette Online. 김제 출장샵 Have you been looking 오산 출장마사지 for roulette 동해 출장안마 games for over a decade and know the 서귀포 출장샵 thrill of being a part 군산 출장마사지 of the roulette experience?
Post a Comment