تقدم

الأسبوع الي فات كان عيد ميلادي
بقى عندي 24 سنه ايه مين فين 24 سنه :) مش عارفه جاتلي حالة ذعر ليه يمكن عشان فجاه اكتشفت ان العمر دا كله مر عليا في حياتي من غير اي معنى من غير اي حاجه احققها او يكون ليها تاثير

كنت بقعد استعجب قوي من الناس الي اكبر مني لما يجي عيد ميلادها و اقلهم كل سنه و انتوا طيبين ها هاتعمل حفلة ؟؟ فيقللولي هو في حد بيحتفل ان سنه مرت من عمره
يمكن الي كبر الموضوع فيا لما قريت الجمله دي في الجرنان في اسبوع عيد ميلادي التقدم الوحيد في حياته هو أن يتقدم في السن‏!
و حسيت انه بيلقح عليا اوي في الكلام كويس انه ماقالش التقدم الوحيد في حياتها كان هايبقى فعلا قاصدني ههههه
يلا كل سنة و انا طيبةو هبله و عبيطه كمان