***
نوع هاتفك المحمول؟
L.G اشتري راحة بالك
***
سرعة بروسيسور جهازك؟
اما احمد اخويا يجي هاسأله للمره المليون
***
حجم ذاكرة -هارد- جهازك؟
80
اه امال ايه معرفش الذاكرة بتاعتنا كام
بس اما يجي اتأكد برده بالمره
***
المساحة التى تشغلها المواد الاسلامية على جهازك؟
والله ماعرف حبه هنا و حبه هناك و هيصه
احمد دا مش منظم خالص
***
نفس المساحة السالف ذكرها فى قلبك -الإجابة لنفسك عشان الرياء يا اخواننا -؟
الاجابه لنفسي ماتخفش
***
أهم هدف انت واضعه لحياتك الآن؟
هدف ؟؟ واضعه ؟؟ حياه؟؟
هي الساعه كام دلوقتي معاك؟
***
مواصفات فتى \فتاة الأحلام بالنسبة لك؟
مواصفات فتى الاحلام بما انه احلام وفي الاحلام يعني لا مانع
انه يتقيني في الله
والله ماعيزه حاجه تاني شوفتواانا طيبه ازاي؟
حد عنده عر..... ؟؟؟... بنـــــــــــــــت .... شوفتوا فهمتوني غلط دايما كدا نيتكوا سيئه انا بقول حد عنده عربيه لونها فحلقي؟؟
***
صف ما يأتى:شعورك لما بتسمع كلمة مصر ؟
بهنج
***
شعورك لما بتسمع كلام عن اليهود؟
لما بسمع كلمة يهود بفتكر انهم قتلة الانبياء فامبستبعدش اي حاجه منهم
اما لو تقصد الصاهينه فبيجيلي شعور من الغضب و الكره الشديد
***
شعورك لما بتشوف ظابط شرطة؟
بتضايق
***
شعورك لما بتشوف الكناس العجوز فى الطريق؟
ببوصوا بيجيلي شعور غريب و الله ماعرفش على طول دايما بيجيلي و ماحدش يضحك بس و الله الي بيحثل بقا بفضل لقول يعني مش لو كان دخل المدرسه وهو صغير و زاكر مش كان زمانه حاجه تانيه خالص؟؟ .... مش قلنا ماحدش يضحك !!!هههه
وبيصعب عليا و بفضل ادعيله ان ربنا يخفف عنه و يعوضه خير دنيا و آخره
***
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
بصراحه بصراحه بصراحه مطلقه
بيجيلي شوية شعورات مختلفه تبع مين الي مالي الجالبيه دي حسب شكله و جسمه
لو واحد طويل و ضخم كدا وماشي مكشر زي معظهم بخاف بصراحه و بحس ان دا امير الجماعه وفي عمليه ارهابيه هتحصل ماليش دعوه بقا احنا قولنا نقول بصراحه
لو واحد رفيوع بقا كدا بس برده ماشسي مكشر برده بخاف وبتضايق
بتضايق من كذا حاجه
اولا التجهم الي معظمهم بيعمله و اصلا رسولنا قال تبسمك في وجه اخيك صدقه فايخلي صورة المسلم انه الشخص الكشري دا الي ماشي زي القطر
بجانب برده ان منظر الجلابيه القصيره و البنطلون القصير اعتقد برده انه منظر مسيء للاسلام وحتى لو بيعملوه سنه دي كلها سنن عادات لبس ايام الرسول مش سنة دين او ان دا بقا الزي الاسلامي
بحس انها دعايه سيئة للاسلام معرفش بقا
بس بضايق
والسواك اه سنه قبل الوضوء بس برده حاجه مقرفه انك تنضف اسنانك قدام الناس كدا في الشارع ولا و انت بتكلمهم
الاسلام حسنا اننا نراعي غيرنا و ماناذيهمش بأي شكل كان
وربنا يهديني و يهدي الجميع و يتقبل صالح اعمالنا
***
إحساس يراودك فى إشارة مرور مغلقة بسبب مسئول كبير؟
بصبر نفسي ان ربنا في يوم من الايام هايعقبهم على الأذى و الضيق الي سببوه للناس دي كلها عشان فرد واحد
و يارب يتسخط لمسؤل صغـــــــــــــــــــــــــــير ويفضل يصغر يصغر يصغر لحد ما يبقى في الحضانه
***
وعلى ذكر المرور بقا
احب امرر التاج دا لكل من
hobaroses
قصاقيص مشاعر
at creation
Hannoda
محض روح
.:.-=- ELGaZaLy-=-.:.
another rosa Dream
proid
voice of love
وجهة نظر
معرض الحياة
nony`s stuff
توته توته
واحدة من الناس
شريف و الحب
Westtwest
Harmless
wanna b a groom
وطبعا الي مابيحبش التاجات مش لازم يتيج خالص انا عندي ديمقراطيه يا جماعه
بس الي يعمل تاجه ليه عندي حاجه حلوه
سلااااااااااااام
54 comments:
هاهاهاها الحمدلله يا روزا
عارفة أنا جاوبت على التاج ده قبل كده
أنا قعدت بتاع 3 بوستات أجاوب على اكتر من تاج كل بوست
دانا لحد دلوقتي مجاوب على بتاع 8 تاجات هاهاهاو كلهم انقبرو عندي
روحي بقا اقري اللي فاتك
صحيح ايه الحكاية انت و تخاريف و ايموس النهاردة مجاوبين على نفس التاج الظاهر انها شوطة
عموما تحياتي لك من ماناساس البلد :)
خلينا نسمع منك على خير
سلام
حمدالله عالسلامة
عيده اوي اني شفت اجاباتك
انت قريبة مني اوي
على فكرة انا غيرت التمبلت ونقلت حاجات مكان حاجات فالتعليق بتاعك (وكل التعليقات) راح في العزال
وزعلت عشان ده كان اول تعليق على التاج
بس تتعوض ما انا اكيد هاشوفك تاني؟ مش كدة؟
اجابات جميلة
تحياتي
شريف
ايه بس لازمت العياط دا كله طب حقك عليا
وبعدين انا فظيعه ماشي ماشي
فظيعه بس لازم تجاوب التاج عشان لما شيرمين وداليا يقلولك تجاوب التاج يعني تجاوب التاج
والمكتوب على الجبين لازم تشوفه العين
:P
وخد وقتك لحد ماتجمع قطع الغيار شوفت انا طيبه ازاي
:D
تحياتي :)
the groom
شوفت عشان تعرف بس دا وقت التاجات بنجاوب عليه في الوقت المناسب
:D
الاتحاد قوه برده
:)
حاضر هبقا اروح اراجع الي فاتني
وكل تاج وانت طيب
:D
تحياتاي لاهل مانساس البلد نفر نفر
ان شاء الله خير
سلام :)
لحظه
الله يسلمك يا جميل
فعلا انا لما قريت بوستاتك لقيت في تقارب كتير
و ولا يهمك ياجميل تتعوض ان شاء الله
واكيد هزورك كتير ,بستمتع اصلا في مدونتك
:)
تحياتي
صاحب البوابه
اشكرك على المرور الكريم
ارجو تكوني تعليقاتي عجبتك فعلا
:)
شكلك انسانة لذيذة وطيبة يا روزا...دى اول زيارة ليا لمدونتك وان شاء الله مش هتكون الاخيرة...بس الامتحانات تعدى على خير بس:(
تحياتى ليكى
الله
بهاء طاهر
ونقطة النور كمان
الله
طب بصي بقى
لو مقريتيش واحة الغروب
اقريها وادعيلي
بجد تحفة
:)
شكلك بالتاج أجمل ..
دا طبيبي . مش تاج بقى . وعلى رؤوس الأصحاء .
جميل يا روزا . ومين قال انه حكاية بقت معرض الحياة ..
كل الود
روزا الجميله
كل تاج وانتي طيبه بقى
دمك خفيف على فكره باين عليكي شخصيه مرحه ومتواضعه
وجميله كمان
مممممممم ، أنا بس داخل أقول لك / أنصحك تقري ( الحب في المنفى) فهي ـ في رأيي ـ أجمل من نقطـة النور
وتحيااااااااااااتي
ميرسي يا روزا
تقريباً حد باعتلي التاج دة قبل كدة ولسة مجاوتوش..كدة لازم احترم نفسي وأجاوب على التاج
انتى بس تؤمري :)
حلوة أوي حكاية انه يصغ لغاية لما يدخل الحضانة
:)
أحيكي على الدماغ العالية
نوني
nermeen
مرسي بجد اخجلتم تواضعنا
يعني افتكر دا وعد؟؟
لا اكيد ان شاء الله ان شاء الله الامتحنات هتعدي على خير وتعملي كويس
شدي حيلك
:)
احمد سلامه
انا فعلا قريت ان واحة الغروب تحفه فعلا ان شاء الله هقراها قريب
تحياتي
ومرسي ان بقيت تنورني
:)
محمد العدوي
ههههههه
صحيح مش تاج بقى
:D
منور
:)
yasmina
وانتي طيبه يا قمر
اخجلتم تواضعنا
:$
مرسي لكلامك
بس يعني مش خفيف قوي التقل جاي وارا
دا بس تمويه
:D
منوره:)
ابراهيم معايا
مرسي على النصيحه
ان شاء الله اقراها
عموما انا بموت في اي حاجه من كتابات العبقري بهاء طاهر
اشكرك يا ابراهيم
تحياتي
:)
noony
العفو يا قمر لا مرسي لا على واجب
:D
بس احب اتعرف على رايك في الحاجات الي فيه
:D
مش بزمتك عندي حق !! ولازم يصغر يصغر عشان يتعلم من جديد
بننننننننت بس عيب دا السيد المسؤول
تحياتي يا جميل
:)
اجبات جميله ومركزة
عايز بس اتكلم معاكي في جزئية السواك ولجلابيه وكده
اه طبعاً المكشر ده انا مش بطيقة وغلط اصلا انه يفضل مكشر كده
لكن هو حر يلبس اللي هو عايزه
اصل مش ده اللي حيسئ للإسلام اللبس ده
اللي بيسئ للإسلام البنت اللي لابسة بنطلون قصير والولد اللي لابس بنطلون
ساقط ومبين الاندر وير
واللي لابسين من غير هدوم هم اللي بيسيئوا للإسلام ي روز
فهمتي قصدي
وبالنسبة للسواك دي سنه عن الرسول عليه الصلاة والسلام طبعاً مش حيفضل ينظف سنانه في الشارع هو بيستاك قبل الوضوء مثلا او قبل الصلاة يعني بتبقا في وقت معين وكمان مش في اي حته
وبعدين نرجع برضة ونقول يعني اللي بيستاك ادام الناس ده هو اللي بيكون شكله مقرف واللا اللي بيشرب حشيش على الملأ واللا اللي بيشرب بنجو واللا اللي بيمشي سكرن واللا واللا واللا
يعني عامة بس نبص للحاجه من وجهة النظر التانيه برضه
وعايز اقولك ان دي مناقشة ليس الهدف منها اني اضعف وجهة نظرك لاسمح الله ولا اني اهاجمك خاالص والله
وبوست جامد يا روز
واحلى حاجه فيه الترابط الاسري اللي انتي حريصة عليه وباين في ردودك
إجاباتك حلوه يا روز ... أنا زيك برده مش بكرهه التاجات ... وأهي في أول زياره خلتني أعرفك أكتر
ضحكتني أوي حكايه الزفت أصل ماما مسمياه كده برده
إنتي أخدتي بالك من الأخ ديفيد سانتوس .. ههههههههههههه
كل تاج وإنتي طيبه
سلاماااااااااااااات
زحل الفلكي
مرسي يا زحل
اكيد دول طبعا بيسيئوا للاسلام و لو التاج فيه اولي رايك في شاب لابس بنطلون ساقط وبنت من غير هدوم اكيد كان ردي هيكون زيك بالظبط
فهماك والله يا زحل
اصل بجد موضوع السواك دا انا ملاحظاه جديد وبحسه سلوك مش الي هوا وبرده انا معاك ان كل المناظر الي ذكرتها مش ظريفه و مقرفه برده بس هو الموضوع اننا بنتكلم عن حد بيمثل شكل صريح للمسلم اختار انه يكون مثال للمسلم في الشكل و المضمون واعتقد انها مسؤليه اكبر , في كل حاجه كداعي للاسلام عشان هو اول حد بيكون معروف لنه مسلم ليه مظهره مش يكون محبب للنفس ؟
وبجد مبسوطه و مستمتعه بمناقشتك واهتمامك :)
ومرسي على كل كلامك
تحياتي
ودايما منورني
:)
reri
مرسي يا ريري
برده الزفت ؟؟ الظاهر ان دا الاسم الرسمي للكومبيوتر عند كل المهمات
ماتعرفيش ليه؟؟
(A) :D
اه طبعا الاخ سانتوس شخصيه عالميه لازم يذكر في اي مدونه
:D
نورتيني بجد و يا رب تفضلي منورع على طول عندي و ولا يهمك في فاتورة الكهربا
:D
تحياتي
haaaaaaaaaaaaaaaaa
توتة توتة
مين هناااااااااااااااااك
:D
التاج جميل بجد واجباتك اجمل
خدتينا رحلة داخل نفسك المطمئنة ..الجميلة
تحياتى اليكى يا rosa
.:.-=- ELGaZaLy-=-.:.
مرسي يا محمد
نفسي المطمئنه؟؟ ياااه تعبير جميل اوي
بجد مرسي لمرورك
:)
طيب ، أحب أقول لك إني حضرتك مناقشـة روايته (واحة الغروب) ف ميريت إمبارح ، وسجلتها ، واتصورت معاه ..............
وش من حقـه يطلع لسـانه ..........
تحياااااتي
كويس قوي اني اول مرة ازور فيها مدونتك الجميلة دي يكون التاج
تحياتي ليكي واجاباتك اكتر من روعة وياريت تسمحيلي اكون صديق لمدونتك الجميلة دي
ملحوظة:
هو عم ديفيد سانتوس وصل ليكي انتي كمان؟
تحياتي واحتراماتي
انا اسمي مكتوب
ايه ده دنا اسمي مكتوب هيه هيه هيه هيه
اخيرا زيست
ايه يا ستي الزعيق اللي انت عاملاه ده
الناس مشعارفه تشتغل منك
مبسوطة مبسوطة مكنش حته تاج سن الفيل يعني ههههههههههههههه
حاجة غريبة والله سويه تقوليلي ان الارض كروية بقا ههههههههههههههه
تحياتي يا روزا من ابعد مكان في الكمبيوتر قصدي الزفت هههههههههههه
والله مليحة هيك البنية والله مليحة
انا عايز منها
هههههههههههههههه
ياعمررررررررررررر
يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
إبـراهيم ... معـايــا
يا سلااااااااااااااااااااام
طب نزل الصور بقا و كل الحصل عندك ماليش دعوه
و بصراحه بقا الوش من حقه يطلع لسانه وعينه وودنه ومناخيره كمان
بحقد عليك
وش احمر مطلع دخان من ودنه
:D
تحياتي :)
A.SAMIR
بجد مبسوطه ان التاج عجبك
وبعدين انت لسه بتسال؟؟ بقيت اصلا صديق من اول مادخلت المدونه
ودا شرف ليا
زرونا بس تجدوا ما يسركم
:D
لا بجد منور
وطبعا دا عمو دايفيد دا بقا احد سمات التدوين الاساسيه لو مش زارك تبقى لسه مابقتش مدون فعلا
:D
تحياتي
:)
Ahmed taher
اه الاسم دا احسن
:D
اه طبعا اسمك مكتوب يعني لو ماكنش اسمك يتكتب امال اسم مين الي هايتكتب بقا دا اسمه كلام يعني؟؟
يا احمممممممممد
:D
حقي اهرتل
كلمات جميله
:)
تحياتي
ده انتي بتحبيه بكل لغات العالم
الكموبيوتر طبعا
والله معاكي حق
يظهر كل أمهاتنا بيسموه نفس الاسم
حاجه غريبة اوي
ميرسي أوي يا قمر إنك جاوبتي
إجاباتك كلها لذيذة
سلام يا قمر
ههههههههههه..تاج جميل و أحلي حاجه انك افتكرتي فيخ حبيبنا عمو ديفيد سانتوس النصاب بتاع النت
بقولك ايه ما تيجي نعمله تاج بالبرغالي نطلع عينه فيه؟
:)
تحياتي لكي
shermen
اكيد دا حبيب الملايين
:D
اعتقد ان دا الاسم اليونيفرسال في قلموس المهماهات
ومرسي حبيبيتي انك لعتهولس اصلا
:D
دايما منوراني
michel
عمو سانتوس؟؟
اه طبعا انت اصلا ماتقدرش تقول انك بلوجر غير لو عمو سانتوس اداك توقيعه
بس حرام هو الراجل عنده هدف نبيل فالطيب احسن
منور يا مايكل
:)
روزة ياقمرية اجباتك لذيذة ودمها خفيف وعرفتني كتير عن شخصيتك ياقمرية تحياتي ليكي
قلوب حائر
انتي الي قمريه وعسليه كمان
:D
مرسي حبيبتي على كلامك الرقيق مدونتك جميله جدا
تحياتي :)
الحمد لله انك لسه علي قيد الحياه
اللهم اكثر من تيجانك
و ابعدها عني يا رب العالمين
آمين
تحياتي
اه صحيح
انا عملت نفسي مشفتوش
اصله حرام يعني اول ما ارجع الاقي تاج في وشي
عاااااااااااااااااااااا
•«ρяoιd»•™
هيييييييييه هيييييييه هييييييييه
رامي رجع يا ناس
ايوه كدا
وبعدين التاج دا عقاب
اه لازم تتعاقب عشان متعملش كدا تاني
:P
صديقتي روزا
اسمحي لي ان اشكرك عن زيارة مدونتي وتشجيعك لي
موضوعك جميل ومسل ... اجاباتك تنم عن فتاة ذكية ومرحة جدا
انتظر جديدك ودمت بألف خير
تقبلي تحياتي
تصدقي أنا لسا واخدة بالي انك مررتي التاج لي؟؟؟
عموماً هحاول أرد عليه و مش هتنازل عن الحاجة الحلوة
Day 25 of May. World-wide day of the disappeared children.
يوغرطة
اشكرك على كلماتك الجميله
ولا شكر على واجب فعلا مدونتك مختلفه وتستحق الاحترام والتشجيع
تحياتي
dream
خلاص مستنيه الرد
حاجه حلوه؟؟ حاجة حلوة مين؟؟
ها؟ مين؟ فين؟ هيا الساعة كام معاكي؟؟؟؟
:D
منوراني يا روزا
:)
David santos
thnx for the information :)
روز الجميلة انا سعيدة بزيارتك لمدونتي المتواضعة ياقمرية بس على فكرة دي مش اول مرة يا كميلة تشرفيني فيها لانك شرفيتيني قبل كده وعلقتي عندي في موضوع اسمه نور العين ياقمر وانا سعيدة جدا بزيارتك ياقمرية
قلوب حائرة
معلش بقا يا جميل الذاكرة المستدميه بقا في الزاهماريار
:D
دايما منوراني
:)
اولا اسف على انى بقالى بوستين مش متابع بس والله لسه جاى من الفر النهارده العصر ومسافر تانى بكره الصبح وللاسف مفيش هناك نت
ثانيا التاج جميل الجميل فيه انى حسيت بتوازن جامد اوى فى اجاباتك يعنى وسطيه فى كل شىء فى حياتك
ثالثا دود القز ممكن يكون مقرف بس لو ربيتى شويه هتشوفى بعنيكى معجزه من معجزات الله سبحانه وتعالى فى الخلق
رابعا ميرسى على التاج واتمنى انى الاقى وقت لانى بصراحه هانام عشان اصحى بدرى
هاتاخر شويه بس لما ارجع اكيد هاكون متابع
westtwest
اولا حمدالله عاسلامه وتروح وترجع بالسلامه
وتصبح على خير و ضح النوم
:D
وكل التحيات الي تنفع في المواقف دي
مرسي لكلامك الجميل
و انشاء الله تعمل التاج لما يكون عندك وقت
تحياتي
:)
Post a Comment