التاج الجميل دا بعتتهولي هنوده الاجمل الي بجد مهما وصفت و قلت بحبها و بحترمها و بقدر مشاعرها قد ايه مش هقدر
بوصي يا هنوده من الآخر بحبك يا بنوته بقى و خلاص
:D
----------
بحس بتفاؤللما اصحى الصبح الاقيني لسه بتنفس و قادره اتحرك وكلي سليمه فاشكر ربنا انه احياني بعد ما أماتني واليه سيكون النشور
بحس بتفاؤل
لما اعمل حاجه والاقاي ماما مبسوطه مني قوي , لما في يوم الاقي الفرحه الي في قلبها طله من عنيها لاي سبب في الدنيا الهم تكون فرحانه و مرتاحه وخلاص
بحس بتفاؤل
لما اسمع صوت ضحكة ابن اختي و هي ماليه علينا البيت , و من شقاوته و زكائوه و حنيته و لما يجري عليا و ياخدني في حضنه و هوا يا دوب كام شبر ومش باين من الارض
بحس بتفاؤل
لما الاقي اخويا فرحان و بيضحك و لما يكون في اي مشوار و الاقيه داخل و بيفتح باب الشقه , فاطمن عليه ببقى خلاص مش عايزه حاجه تاني من الدنيا , اهم حاجه انه بخير, ولما افتح اميلي الاقيه بعتلي كارت بيقولي انا ايه عنده ,ببقى في قمة تفاؤلي و سعادتي
لما اسمع صوت ضحكة ابن اختي و هي ماليه علينا البيت , و من شقاوته و زكائوه و حنيته و لما يجري عليا و ياخدني في حضنه و هوا يا دوب كام شبر ومش باين من الارض
بحس بتفاؤل
لما الاقي اخويا فرحان و بيضحك و لما يكون في اي مشوار و الاقيه داخل و بيفتح باب الشقه , فاطمن عليه ببقى خلاص مش عايزه حاجه تاني من الدنيا , اهم حاجه انه بخير, ولما افتح اميلي الاقيه بعتلي كارت بيقولي انا ايه عنده ,ببقى في قمة تفاؤلي و سعادتي
بحس بتفاؤل
لما احس برضا ربنا عني و اني حاولت على الاقل ارضيه و لو بحاجه بسيطه و لما احس ان قلبي خلاص مابقاش جواه غير ربنا و حبه و بس
بحس بتفاؤل
لما اكتشف حاجه ربنا كان منعني منها زمان او اخدها مني و اكتشف انها كانت فعلا الخير ليا و انا ماكنتش اعرف , يطير قلبي و يوصل لقمة تفائله , ان ربنا فعلا بيحبني و مابيعمليش غيرالي فيه الخيرليا دايما
بحس بتفاؤل
لما اسمع ان في شباب كلهم خير و امل ,بيكرسوا وقتهم وجهدهم عشان غيرهم بحس بالامل
بحس بتفاؤل
لما اسمع ان فلانه الي جوزها مات دي دا ساعدها في جواز بنتها و دا مخصصلها مرتب شهري من عنده و دي بتدي دروس مجانيه لبنتها الصغيره , وكل الناس الي حواليها بتساعدها و متتأخرش , اتفائل و احس ان الدنيا لسه فعلا فيها الخير
بحس بتفاؤل
لما اقدر اساعد حد بأي حاجه و لو اني حتى اسمعه و بس ,بفرح قوي و احس ان ليا قيمه
لما احس برضا ربنا عني و اني حاولت على الاقل ارضيه و لو بحاجه بسيطه و لما احس ان قلبي خلاص مابقاش جواه غير ربنا و حبه و بس
بحس بتفاؤل
لما اكتشف حاجه ربنا كان منعني منها زمان او اخدها مني و اكتشف انها كانت فعلا الخير ليا و انا ماكنتش اعرف , يطير قلبي و يوصل لقمة تفائله , ان ربنا فعلا بيحبني و مابيعمليش غيرالي فيه الخيرليا دايما
بحس بتفاؤل
لما اسمع ان في شباب كلهم خير و امل ,بيكرسوا وقتهم وجهدهم عشان غيرهم بحس بالامل
بحس بتفاؤل
لما اسمع ان فلانه الي جوزها مات دي دا ساعدها في جواز بنتها و دا مخصصلها مرتب شهري من عنده و دي بتدي دروس مجانيه لبنتها الصغيره , وكل الناس الي حواليها بتساعدها و متتأخرش , اتفائل و احس ان الدنيا لسه فعلا فيها الخير
بحس بتفاؤل
لما اقدر اساعد حد بأي حاجه و لو اني حتى اسمعه و بس ,بفرح قوي و احس ان ليا قيمه
بحس بتفائل
لما اقابل حد زي عمو بتاع دود القز .... او حد زي عم صالح البواب
والاقي الناس دي بعزة كرامتها و غنى نفسها
بحس بتفائل
لما حد يفهمني و يعرف روزا الحقيقه من جواها بجد
بحس بتفاؤل
لما احلم بليل بجدي وهو بيحضني قوي و بيقلي ماتخافيش
بحس بتفاؤل
لما اكتب بوست والاقي الناس بترد عليا و فهماني و مش سيباني و يتخرجني من مودي الي انا فيه , وبحس انهم صادقين فعلا في احساسهم معايا , ولما اغيب فتره والاقيكوا بتسألوا عليا و مهتمين لغيابي ,ساعتها ببقى في قمة تفائلي
بحس بتفاؤل
لما اشوف اسره مبسوطه ماشيين سوا و كلهم بيضحكوا ويهزروا بالرغم من بساطة حالهم
بحس بتفاؤل
لما اقابل حد من اصحابي بتوع زمان و نفضل نفتكر لما كنا صغيرين و اضحك من قلبي معاهم
بحس بتفائل
لما اسمع دعوه حلوة من مريض بديله نتيجة تحليل و طلعت سلبيه او العلاج جاب نتيجه , او سحبت منه وموجعتوش فيفرح و يدعلي بجد من قلبه و اشوف فرحة المعافاة من المرض بترقص في عنيه
بحس بتفائل
لما الاقي اتنين كبار في السن ولسه ماشين سوا ماسكين في دراع بعض و من كتر حبهم و عشرتهم بقوا شبه بعض , فاتفائل و احس انه لسه في حب , ان الي بيقول ان الحب بيموت بعد الزواج دا غلطان عشان في ناس قدامي اهي لسه بيحبوا بعض بعد مافات على جاوزهم سنين طويله قوي
بحس بتفائل
لما اسمع عن رحمة ربنا الواسعه علينا
بحس بتفائل
من فكرة وجودكم في حياتي
:)
-----------
و امرر التاج لـ
57 comments:
اولا انا سعيد جدا برجوعك للقواعد النتاويه سالمه و يا رب ميحصلش معاكى مقالب تانى
ثانيا سعيد جدا جدا انى اول كومنت على البوست ده
ثالثا سعيد جدا جدا جدا بالبوست المتفائل ده بجد احنا محتاجين اى حاجه الايام دى تحسسنا بشوية تفاؤل لان الناس مش طايقه نفسها و جابت اخرها خلاص
مهما حصل و مهما اتعرضنا لظروف صعبه لازم يكون فى حياتنا اى حاجه تخرجنا من المود الكئيب و تفرحنا شويه (من اصبح امنا فى سربه معافى فى بدنه يملك قوت يومه فقد حيزت له الدنيا بحذافيرها) هى دى الدنيا و بس خلاص
سلاااااااااام
اخس عليكي ياروزة نسيتي تقولي لما بكلم بيبو بقى بذمتك مش بتحسي بتفاؤل وانتي بتكلميني هههههههه ربنا يخليلك ماما واخوكي ويارب دايما كلك تفاؤل يارب
ربنا يديم عليكي نعمة السعادة والتفاؤل
انتي كنتي فين من زمان؟ بقالك كتير ماكتبتيش حاجة
تحياتي واحتراماتي
dr.gesho
اولا و ثانيا وثالثا , انا الاسعد جدا جدا جدا جدا بأنك اول كومنت و ان البوست عجبك
و يا رب ايامك كلها تكون فرح و تفائل و بمررلك البوست انت كمان يا دكتور عشان نعرف الحاجات الي بتخليك متفائل
:)
سلام :)
truelove
لاااااا ماتفهمنيش غلط ماهو من المسلمات و الي اكيد كل الناس عرفاه اني لما بكلم بيبو بتبقى الدنيا بمبي بمبي بمبي بمبييييي
ههههههههههه
و ربنا يخليلك كل الي بتحبيهم يا رب
و يلا مستنيه اجابةالتاج بتاعك
a,samir
مرسي يا احمد و انت كمان يا رب و كل الناس اجمعين
معلش بقى كان عندي مشكله في النت بس
و مرسي لسؤالك واهتمامك
تحياتي
:)
Rosa
الاسم ذاته يشعرني براحه والتفاؤل
البلوج والالون والصور تطمن القلب وتبسط الزوار هادا اولا
تانيا البوست هادا روعة ويمكن لو كل واحد فينا فكر انو الله انعم عليه نعمة الاسلام راح نبقى كلنا متافائلين
RoReE
اشمعنى عمو بتاع دودة القز
شكلك كنتى غاويه تبربيتهم زيى
بس انا كنت بخاف امسكهم
ومره عملت مستعمره وطلعت حرير كتير قوى كنت بقول عليه كراتيه اصلها شبه الكرتيهايه
وبعتهم للراجل ب 75 قرش كان مبلغ ايامها بالنسبالى
كنت حطاهم فى كارتونه بامبرز ههههههه
هيييه ايام
عجبتنى قوى حبك لاخواتك ربنا يدمهم عليك ويا رب دائما كل حياتك تفاءول
كل ما تقرؤه تحت سقف واحـد
بجد بجد ... زرورنـا تجدون ما يسركم
قائمة كبيرة من شتى الكتب وبأسعار لا تقبل المنافسـة
أقل الأسـعار
بين أيديكم
انا لازم اكون متفائل لما الاقي ان في حد ممكن يتفائل اربعين مره في الدقيقه
إيه التفاؤل ده كله .. ربنا يخليكي متفائله كمان وكمان ويبعد عنك ولاد الحرام ويكفيكي شر الطريق قادر يا كريم
وحسنه قليله تمنع بــ ... بس بس ايه اللي انا بقوله ده
جميله قوي دفعة التفاؤل دي
حببتي يوزا ازيك يا رب تكوني بخير
حلو قوي تاج التفاؤل ده
لعلمك التاج ده عاجبني جدا
و اللحظات اللي بتحسي فيها بتفاؤل جميله جدا
معلش انا غايبه شويه لاني عندي شويه ظروف كده
اشوفك عى خير
زيزي
MĕŢø & ŘǿŖêĔ
روري اولا منوراني جدا جدا في اول زياره ليكي , يا رب ماتكون الاخيره
ثانيا مبسوطه جدا جدا ان البوسط عجبك وانه حسسك بتفاؤل
:)
نورتيني
لماضة
لا والله يا لماضه عمري ماربتهم كنت بشفهم مع اصحابي بس
و بعدين عشان تعرفي ليه عمو بتاع دود القز بس شوفي البوست بتاعه و انتي تعرفي
:)
بس ماقلتلناش عملتي بالخمسه وسبعين قرش ايه؟؟
:D
يا رب دايما لمضه كدا
هههه
walaa
الحمد لله بعتبر حبي ليهم نعمه من عند ربنا ليا
و ربنا يديم عليكي و على الجميع التفائل يا رب
:)
darsh
ربنا يحنن عليك
:D
فكرتني بشبابي ايام الكليه كنت شغاله في الموضوع دا
:D
ههههههه
مبسوطه ان قدرت ادي شوية تفائل و يعجبوك
يا رب دايماايامك النص المليان من الكوباية
:D
نورتني يا درش و يا رب دايما تنورني و هنيالك يا فاعل الخير و الثواب
meekness
مبسوطه ان التاج عجبتك يا زيزي
طيب خلاص ماتتأخريش علينا بس و ان شاء الله الظروف دي تكون خير عليكي
نورتيني
جميل احساسك يا روزا
و بما انك اعتدتى ان تكونى روزا
خدى نصيحتى
و كونى روزا المتفائلة
او لا تكونى شىء على الاطلاق
رجل المطر المتفائل
أنا حسيت بتفاؤل بمجرد مرورى من هنا
أسعدكِ الله فى الدنيا والآخرة
تقبلى تحياتى
أختك فى الله
أمــ الله ــة
رائع اوي حالة التفاؤل الجميل اللي في البوست تحياتي واسف علي تقصيري الشديد ارجو المعذرة
تحياتي
داكتورة روزا
الحقيقه انا سعيد جدا بتمريرك التج لي
بس معلش مش هقدر اقبله
يمكن لاني لغاية دلوقتي مش متفائل قوي لدرجة اني اعدد كزا سبب للتفاؤل
وويادوبك بس باتفاءل لما بالعب مع بنات اخويا واهزر معاهم
يمكن لاني بهرب من الواقع بتخيل اني رجعت طفل تاني
ويمكن لاني شايف ان الاطفال دول اجمل حاجه في الدنيا
ويمكن لاني خطرفت وعجزت خلاص
والله اعلم بقى بكره مخبيلنا ايه
الله كريم
سلاموووووووووووز
من عينى يا افندم
هاعمل التاج فى غضون يومين على الأكثر
وميرسى انك فاكرانى
وحشتينى
التفاؤل حاجه جميله فعلاً
و بوست اجمل
و في انتظار جديدك
و انتي ليكي تاج عندي
طب ماهى لسه الدنيا حلوة اهيه
كيويس
:)
اوعدك يا روزا لو لقيت اجابات احطها ف التاج ده هاجاوبه فورا
:)
حلو قوى انك تحبى الناس وانك تكونى متفائله ديما اتمنالك التوفيق
صباح التفااااااااااااااااائل
بجد يعنى
كدة برضوا يا روزا
وأنا إللى كنت بحبك
تعملى فيا كدة
تاج
مرة واحدة
هوة أنا قادر أصلب طولى
وبعدين تفائل إيه ؟؟
وبمناسبة إيه ؟؟
هوة إنتى متعرفيش ؟؟
البلد بتتحرك
:)
عادى بقة
ربنا يديم أيامك كلها تفائل
أودى
مش تفكرينى
نسيت أقولك كل سنه وإنتى طيبة
العيد على الأبواب
يا رب تكون دايما ايام تفائل فى تفائل
كل سنه وانتى طيبه وعيد سعيد
كل سنة و انتى طيبة
و عيد سعيد و تكونى السنة اللى جية فى مصر انشاء الله
حلو مود التفاؤل ده
ايرب تفضلى كده متفألة على طووووووووووول
كل سنة وكل عيد وانتى بألف خير يا ارق روزا
السلام عليكم ورحمه الله
كل سنه وانتى با الف خير يارب
والسنه الجايه فى عرفات قولى امين
ربنا يكرمك يارب على تمرير التاااااج وان شاء الله هاجوبه على راسى من فوق
كل سنة وانتي طيبة
ربنا يديم عليكى التفاؤل يااااارب
وكل سنه وانت طيبه يا جميل
ربنا يجعلك دايما متفائلة
كل سنة وانتي طيبة ومتشكر جدا انك مررتي لي التاج
معذرة في التأخير بس مشغول جدا وان شاء الله هرد ع التاج في اسرع فرصة
اية يا استاذة مفيش كل سنة و انت طيب
كل سنة وانتى طيبة
اكسير التفاؤل بشكل او بآخر بيدى دفعى لقدام كل لما الواحد بيقراه من شخص للتانى
بس برده رقه وقلبك مليان بالخير للكل
دمتى بكل خير وسعادة
تحياتى
هبة
رووووزا
أنا مكسوفة من نفسي جدددا
بعد الكلمتين اللي يفرحوا القلب اللي في
الأول دول آجي بعد التعليق
:(
بس و الله غصب عني
أولا واحشااااني موت
ثانيا كل سنة و انت طيبة عشان العيد اللي فات و عشان راس السنة اللي جاية
وا،ا بقرى تاج التفاؤل كنت مستنيةكلامك عن الراجل بتاع دوده القز و فرحت لما لقيتني توقعت صح
أما عن مساعده الناس لبعضها فعشان تحسي بتفاؤل أكترو أكتر حاحكيلك عن مدون صاحب مدونة عبقرينو
ده راسلته بقالي فترة و حكالي عن مشروع صغير عامله مع ناس انهم جمعوا فلوس و فتحوا لراجل محتاج مشروع على انه يديلهم من أرباحه اللي يقدر عليه من اللي صرفوه و بالفلوس ده يساعدوا غيره بمشروع جديد و هكذا
ساعتها حسيت بتفاؤل كبير قوي
ربنا يملى حياتك كلها تفاؤل
و الانسان القادر على الشعور بكم التفاؤل ده كله بيكون الخير اللي جواه هو اللي عارف يوصله الخير اللي في الدنيا عشان الدنيا مليااانة خير كتير
بس متحوش للخيرين بس
فرحتيني بكلامك عن تفاؤلك و عني و عن المدونين
ووحشتيني
rain man
اولا منورني يا رجل المطر
و سعيده ا ن احساسي عجبك
و اوعدك احاولاكون دايما روزا كما اعتدت
:)
أمـ الله ـة
مبسوطه بإحساسك دا فعلا
و مرسي لدعوتك الجميله
اسعدك الله يا رب و كل احبابك
:)
sendbad
بجد فرحانه ان البوست عجبك
وولا يهمك بس ماتبقاش تتأخر علينا تاني
:)
soooo
ماشي يا سوو بجد زعلتني انك ماقبلتش التاج
وان بكتبالتاج في اوله ماكنتش متخيله اني هلاقي حاجه تفرحني او تخليني متافئله
بس لما بدأت لقيت نعم كتيره قوي حواليا بتفرح قلبي
بس حاول و انت هتلاقي
اكيد ربنا عاملنا حاجات حلوه كتيربس انا الي مش بناخد بالنا
يعني اقل حاجه اكيد اكيد لما بتدخل مدونتي بتحس بكل تفائل الدنيا
هههههههههههههههههههه
روق رق يا سوو و ماتقلش على نفسك عجوز تاني بليززززززز
و مصممه انك تحاول تعمل البوست ماليش دعوه
سلافراوله
voice of love
تسلملي عيونك يا قمر
:)
و بعدين لا مرسي على واجب انتي دايما في بالي ووحشاني
كل سنه وانتي طيبه
domalays
مرسييا دوماليش و بجد مرسي انك مررتلي تاج
حاضر هاجوبه ا شاء الله قريب قوي
نورتني
yotta
اكيد يا يوتا الدنيا جميله طولمافيها ناس حلوه زيك كدا
و متأكده انك هتلاقي حاجه تخليك تتفائلي بس انتي مش واخده بالك بس
حاولي و هتلاقي
سلامي :)
العراف
اولا منورني
و مرسي لمرورك
واتمنالك الخير و التوفيق انت كمان :)
تحياتي
ody911
و انت طيب يااودي
و ماليش دعوه عيديتي الي فاتت تجاوبالتاج و هتلاقي حاجخ اكيد تفرحك
البلد بتتحرك البلد نايمه ماليش دعوه
و قد اعذر من جنزر
west
وايامك انت كمان يا رب
و كل سنه و انت دايما طيب
ماتنساش التاج
الصديق المخلص
و انت طيب يا رب
بس على فكره ان في مصر اصلا
لسه مارحتش حته
:D
نورتني
gogo we bas
و يا رب انتي كمان يا قمر و كل احبابك
و كل سنه و انتي دايما بألف خير و سعاده
رينــــــــا
و عليكم السلام و رحمة الله و بركاته
آميــــــــــــــــــــــــــــــــــــــــــــــــــــــــــن
يا رب يا رب يا رب
و يكرمك انتي كمان يا قمر
و تسلملي راسك
:)
sendbad
وانت طيب يا رب مرسي
عاشق الرومانسية
فعلاقلبي ابيض ماحدش عايز يجاوب
:D
اه مانا عارفه انك مابتحبش التاجات فقلت بلاش اكسف نقسي بقى
و انت الي حمدالله على السلامه بقالك كتير مختفي
:)
سلام
shayma
و يديمه عليكي انتي كمان يا جميل
وكل سنه وانتي بكل خير و صحة
مصراوي قوي
ان شاء الله و مستنيه التاج ماتنساش
و ربنا يعينك
و سلامي للعروسه :)
الصديق المخلص
ازاي يعني لا طبعا
كل سنه وانت بكل خير و صحه و فرح و راحه و سعاده
:)
doba
مرسي حبيبتي
دايما رافعة معنوياتي كدا :)
ربنا يديم عليكي و على ابنك و زوجك الفرح و السعاده و الصحه و التفاؤل يا رب
تحياتي لأحلى دوبه
hannoda
ولا يهمك يا جميل المهم انك بخير بس
و انتي كمان دايما وحشاني :))
و انتي دايما طيبه يا رب
و يا رب دايما فرحانه يا رب
و مبسوطه ان البوست طلع زي ماتوقعتي
ووحشانييييييي
Post a Comment