Uncompleted Dreams

If I Smile & Don't Believe .....

Soon I know I'll Wake From This Dream

ماذا لو ....!؟

لدي رغبه كبيره , اقاومها منذ فتره في أن أصرخ

أريد أن أصرخ

أصرخ

أصرخ

أصرخ

أصرخ بكل ما لدي من قوه

كثيرا ما تأتيني تلك الفكرة و تلح عليا أكثر في أكثر الأماكن و الأوقات غرابة

أتسائل ... ماذا سيحدث لو قمت بذلك الآن بدون سبب سوى انه

لدي تلك الرغبه الشديده في سماع ذلك الصوت المدوي يخرج من قلبي الآن؟

فقط لأني أريد ذلك

لماذا يتوجب عليا أن أكون متعقله أو منطقيه أو حتى مراعيه ؟؟؟

لماذا عليا أن أختنق بصرخاتي؟؟؟

فقط لأنه من غير المنطقي أن تنطلق صرخاتي الآن

أو أن أقوم بوأد آلامي ؟؟

فقط لأنه من الضعف أن أطلع عليها أحد

ماذا لو تركت لنفسي عنان أمورها؟؟

فلا مجال للمنطق أو التعقل

ماذا لو صرخت .... ماذا لو حطمت ... ماذا لو ثورت ؟؟؟

ماذا لو .. و لو ....و لو .... ماذا سيحدث

-------------

ربما سأعرف الإجابه بعد أن تجدوا تلك المجنونه بجواركم في مكان ما ...مدرج دراسي ... مكان انتظار...او نافذة البيت المجاور لكم تصررررررررررررررررررررخ بلا سبب

فتتركم و على وجهها ابتسامة منتشية بنصر التجربة

كيف تصنع طاغية صغير

من كام يوم لقيت أخويا بيقولي إن صاحيه كان بيساله على واحد أخويا يعرفه و متقدم لأخته وأيه رأيه فيه و كدا ... فلما عرفه قاله لا بلااااااش دا كان خاطب صاحبة روزا و بتقول أنه مش كويس .... صاحبتها إلى إسمها فاطمه فاكرها؟؟ قاله آآآآآآآآه دي الي كانت هيا و أختك شرطه مدرسية و إحنا في إبتدائي

و هنا كانت الصاعقة

يا عينيييي هوا احنا مأثرين في العيال كدا لدرجة إنهم لسه فاكرنا من أربعتاشر سنة فاتت اننا كنا شرطه مدرسية !!!!!!!!!!!!!! قلته ايه يا احمد هوا تأثيرنا كان قوي كدا !!! قالي دا انتو كنتوا جبارين

ههههههههههه

مع اني مش فاكره اي حاجه عن طفولتي المشرده غير إني كنت نسمة عابرة

:D

هههههههههه

مش عارفه ايه الاشعات المغرضه دي و بعدين احنا كنا بنحقق الأمن و الاستقرار في البلد احمم احم قصدي المدرسة

اعدت افتكر كدا اكتشفت فعلا اني كنت مرعبه عشان فاكره اني في يوم و انا بتابع حالة الأمن في الفسحة لقيت بنت صغيره في سنه أولى شعرها إتشبك في فرع شجرة و هيا بتلعب ... و يا دوب فكتلها شعرها من هنا و البنت راحة جرييييييييي هربانه و قعدت تقولي و هيا في قمة الرعب مش هعمل كدا تاني مش هعمل كدا تاني ... يا بنتي هوا انا كلمتك

بس أكيد هيا فاطمه الي كانت مرعبه و عشان احنا ماشيين سوا كانت العيال بتترعب و فكراني شريرة انا كمان

انا .... دا انا كنت نسمه يا جماحه

بس بجد اكتشفت دلوقتي ايه سر الخوف الي بيتزرع جوانا من اي حد صاحب سلطه بالذات لبتوع الأمن.... انا كنت عيله زي بقيت العيال بس شاطره و المدرسين بيحبوني و مشتركه في كل حاجه , رياضه و رسم و مسابقات و ليا شعبيه فطبعا دي احد المميزات الي تأهلني اني امسك منصب قيادي كبير في الداخليه 00000 يييييه قصدي في امن المدرسه

تصورا كدا عيله زيي زي غيري بس حطيت على راسي كاب احمر و في دراعي شريط احمر (ايوه طبعا رتبه امال ايه ) بقى ليا سلطات جامده و اتحكم في العيال زي مانا عايزه

و تتفتحلي كل الأبواب المغلقه و امشي في الأماكن المحظوره , سلطه بقى يا جماعه و حصانه جامده

يعني كان ممكن ادخل عادي جدا جدا أوضة الألعاب و أخد الكور الي عايزاها أو أمشي في أي دور و الفسحة شغالة و طبعا ليا الحق في تعيين المساعدين بتوعي الي كانوا في بعض الأوقات بيزودوها شويه و يرعبوا الناس .. لكن دي ضريبة المسؤليه هيييييه هنعمل ايه بس

:D

سلطات سلطات يا جماعه

بس عشان بكلمكوا كدا و بسبكوا تقلولي روزا كدا بمنتهى البساطه دا بس تواضع العلماء , انما انا كانت ليا سلطات جامده جدا جدا لدرجة اني مرة و انا في رابعه ابتدائي الميس طلبت مني اني اقف على العيال ( و اكيد طبعا مش هقف فوقيهم افطسهم... لا يعني اراقبهم لحد ماترجع) بس فلكم بقى ان تتصورا لما اكون رائدة الفصل من اربع سنين بنتخابات حرة مستقله نزيهه و في نفس الوقت شرطه مدرسيه ايه الي ممكن يحصل يا جماعه

انا راضيه حكمكم

و انا واقفه بقى بعد ما اسنفذت كل طاقتي في الصبر و المحياله و يا جماعه مايصحش و ارجوكوا و الي هيتكلم هكتب اسمه على السبوره لما الميس تيجي هتشوفها .... و الميس مابتجيش

طب يا جماعه الي هيتكلم هيقبى حمار و هنضحك عليه... فيسكتوا طبعا عشان كرامتهم لكن برده بعد شويه الحمار يروح متكلم و بعدها الفصل كله معاه ..طب خلاص الي مابيحبش ربنا يتكلم راح جاي واحد خارج عن القانون و الدين طبعا و راح متكلم .. وهنا كنت جبت آخر موارد الصبر و العقل و الحكمه عندي ...يالك من صنديد رعديد زنديق ... رحت قايله له مش قلت ماحدش يتكلم ... و طااااااااااااااااااااااااخ ................. ايوه هوا كدا بالظبط زي ماتخيلتوا

ههههههههههههه

حتة قلم محترم ( بجد شريرة و مكسوفه من نفسي) على وشه يا عيني اسكت الفصل كله و محدش حط منطق كان يا عيني اسمه سيد راسه مربعه كدا و شعره اورانج اورانج وكان أبييض و عنده نمش , و يا عيني اكتفى بالعياط لانه قال و الله لاقول للميس لما تيجي و لكن بما انه ماكنش شاطرو الي مش شاطرين يقعوا في أسفل المثلث الغذائي للسلطات و القدره على أخد الحقوق ... فانا بسطله بصه طرحته ارضا بعد ان كانت قد رفعته جوا و قلتله و ريني كدا هتقول للميس ازاي ؟؟؟؟؟هو انا مش قلت ممنوع الكلام ؟؟؟ هاااااا؟؟ انت كدا غلطت و لا مغلطتش , قال غلطت

قلت يبقى خلااااااااااااااص

و جت الميس و ماقلاهاش حاجه

شخصيه برده يا جماعه

:D

بعدها بكام يوم تكررت نفس الواقعه بس المره دي لواحد اسمه احمد سمير و كان شاطر شويه فراح قال للميس قالته ايوا انت غلطان و راحت جابه قايلاي لوحدي ماعتمليش كدا تاني

بس و عدى المضوع

( بس لما ماما عرفت ساعتها زعلت مني و فهمتني ان كدا طبعا غلط ) ماما دي غريبه

كله عشان الحفاظ على الأمن القومي بس

:D

ههههههههههههههههه

بس ماتفتكروش إني فضلت كدا على طول عشان في آخر سنه في إبتدائي إتغيروا المدرسين وجالنا اتنين مدرسين رجاله و لما جنا نعمل إنتخبات المدرس صمم إن رائد الفصل لازم لازم يبقى و لد و الأمين المساعد بنت فطعبا مابقتش رائده بنتخبات غير نزيه فاجتلي صدمه نفسيه عشان التفرقه العنصرية دي و إعتذلت العمل السياسي بعد كدا عشان اتيح فرصه للجيل الجديد

:D

---------------------

بجد مش مستوعبه الي كنت بعمله دا و كنت فاكره بجد اني كدا بعمل حاجه كويسه

و فعلا مش مصدقه ازاي يخلوا اطفال يتحكموا في اطفال و يدوهم سلطه يتحكموا في غيرهم و الأطفال بطبعها شريرة

و ازاي يبقى حد زيي زيك مايفرقش حاجه غير اني اديته سلطه و امكانايات انه يتحكم في حد زيه بالظبط

------------------------------------

و في الأخر بليز يا سيد و يا احمد سمير بجد سورررررررري سامحوني كنت شريرة- بس كله عشان الأمن...و أنا مـتاكده انكوا مقدرين

:D

مر عام

الحلم : هو أن تفتح ذراعيك للمدى , وروحك تنظر للسماء .. مغمضاً عينيك
لتعانقك السماء بالمطر
فإما أن تستيقظ لتجد يد ما تحوطك وتأخذ بيدك لتكمل حلمك معها في سلام وأنت مازلت مغمض العينين
أو أن تجدك قد تعثرت في طريقك فأنت مغمض العنين تعتمد على قلبك فقط ليدلك على الطريق
و هكذا دائما ما تكون احلامي و امالي
مغمضة العينين تحركني ثقتي و املي في الآخرين
------------


مر عام الآن منذ افترقنا
كنت على يقين في بدايته من اني في لحظة ما سأنسى أن أتنفس
أو ساستيقظ يوما أبحث عن روحي فأجدني قد ضيعتها أو نسيتها في مكان ما
مر عام أدركت فيه الكثير عنك و عني
أدركت فيه أن من لا يقدر عطائنا لا يستحق حبنا
و أن من تمنحه حياتك و حبك و آمالك فيقابل كل ذلك بضعف و تخاذل فلا يستحق دموعك
لا يستحق سوى ان تتخطاه كما تخطى حبك
----------
استغرب نفسي كثيرا من مشاعري المتناقضه في تلك المرحله السابقة
فمع شعوري بالحزن و الافتقاد شعرت براحه كيبره لانتهاء تلك التجربة
كنت أشعر أني مستنذفة المشاعر
كنت أشعر أني أسبح ضد التيار و حيده
كل ما عليا هو ان امنح و أعطي فقط ... دون التوقف ولو للحظه لاسترداد أنفاسي , أو حتى للتزود بما يعينني على اكمال ذلك الطريق
التزود بتلك المشاعر الجميله التي تقدرنا كي نستطيع الإكمال
أدركت ان كل ما كان بي من ألم لم يكن إلا وليد الصدمه فقط
صدمة المفاجأة
فلم تكن هناك مقدمات.. أو سابق إنذار.. أو أي تمهيد نفسي لأتقبل ما يحدث
صدمة اجهاض الامل
الأمل في اول ارتباط يصل قلبك بآخر
فكنت قد عاهدت نفسي ألا أمنح قلبي إلا لشخص واحد فقط و هو من سأرتبط به إلى الأبد
احتفظ بكل مشاعري فقط لتكون من أجله هو فقط
فكانت الصدمه أكبر من أستوعبها
أكبر من أن أدرك أني كنت سأغتال كل أحلامي بيدي
لو كان قد قدر لنا الاستمرار


و الآن اعتقد اني قد شفيت تماما منك
و اني قد محوت كل جذورك من قلبي
و اطفئت كل نجومك من سمائي

فلم أعد اجلد نفسي بتلك الأسئلة لماذا؟؟ ماذا فعلت؟؟ في ماذا قصرت؟؟
لم اعد أعاقب نفسي على ذنوب لم أتركبها
و لم يعد وجهك يطاردني
لم اعد اتلفت ابحث عنك في وجوه من اقابلهم
بل ان ملامحك بدأت تبهت من ذاكرتي تدريجيا
لم اعد انتظر أي شيء منك
و الأكثر من ذلك اني لم أعد غاضبه منك على الاطلاق


وأعذرني إن كنت لا أقدر على العوده مرة أخرى .... رغم كل محاولاتك المستميته الآن لعودتنا

فبعد مرور ذلك العام أدركت تماما بل و آمنت انك لست لي وأني لا أنتمي لك وأن كل ما كنت أشعر به ماهو إلا مشاعر التعود و فرحة قلب بأول إرتباط فقط لا غير
حتى رمز ارتباطنا , دبلتك لم تعد مقاس أصابعي و بهتت حروف اسمك هي الأخرى من عليها فلم تعد تنتمي لي


والآن عندما اتذكر ما حدث لم اعد ابكي ....فقد بدأت أشعر بسلام كبير داخلي إفتقدته كثيرا مؤخرا ربما نتيجة إطمئنان قلبي أن ماكان لم يكن حب وأني مازلت على عهدي مع قلبي ,فأنا لم أحب بعد
حقا...و عسى أن تكرهوا شيئا و يجعل الله فيه خيرا كثيرا

و أكيد خير :)

تاج التفائل :)

التاج الجميل دا بعتتهولي هنوده الاجمل الي بجد مهما وصفت و قلت بحبها و بحترمها و بقدر مشاعرها قد ايه مش هقدر

بوصي يا هنوده من الآخر بحبك يا بنوته بقى و خلاص

:D

----------

بحس بتفاؤل
لما اصحى الصبح الاقيني لسه بتنفس و قادره اتحرك وكلي سليمه فاشكر ربنا انه احياني بعد ما أماتني واليه سيكون النشور
بحس بتفاؤل
لما اعمل حاجه والاقاي ماما مبسوطه مني قوي , لما في يوم الاقي الفرحه الي في قلبها طله من عنيها لاي سبب في الدنيا الهم تكون فرحانه و مرتاحه وخلاص

بحس بتفاؤل
لما اسمع صوت ضحكة ابن اختي و هي ماليه علينا البيت , و من شقاوته و زكائوه و حنيته و لما يجري عليا و ياخدني في حضنه و هوا يا دوب كام شبر ومش باين من الارض
بحس بتفاؤل
لما الاقي اخويا فرحان و بيضحك و لما يكون في اي مشوار و الاقيه داخل و بيفتح باب الشقه , فاطمن عليه ببقى خلاص مش عايزه حاجه تاني من الدنيا , اهم حاجه انه بخير, ولما افتح اميلي الاقيه بعتلي كارت بيقولي انا ايه عنده ,ببقى في قمة تفاؤلي و سعادتي

بحس بتفاؤل
لما احس برضا ربنا عني و اني حاولت على الاقل ارضيه و لو بحاجه بسيطه و لما احس ان قلبي خلاص مابقاش جواه غير ربنا و حبه و بس
بحس بتفاؤل
لما اكتشف حاجه ربنا كان منعني منها زمان او اخدها مني و اكتشف انها كانت فعلا الخير ليا و انا ماكنتش اعرف , يطير قلبي و يوصل لقمة تفائله , ان ربنا فعلا بيحبني و مابيعمليش غيرالي فيه الخيرليا دايما
بحس بتفاؤل
لما اسمع ان في شباب كلهم خير و امل ,بيكرسوا وقتهم وجهدهم عشان غيرهم بحس بالامل
بحس بتفاؤل
لما اسمع ان فلانه الي جوزها مات دي دا ساعدها في جواز بنتها و دا مخصصلها مرتب شهري من عنده و دي بتدي دروس مجانيه لبنتها الصغيره , وكل الناس الي حواليها بتساعدها و متتأخرش , اتفائل و احس ان الدنيا لسه فعلا فيها الخير
بحس بتفاؤل
لما اقدر اساعد حد بأي حاجه و لو اني حتى اسمعه و بس ,بفرح قوي و احس ان ليا قيمه

بحس بتفائل

لما اقابل حد زي عمو بتاع دود القز .... او حد زي عم صالح البواب

والاقي الناس دي بعزة كرامتها و غنى نفسها

بحس بتفائل

لما حد يفهمني و يعرف روزا الحقيقه من جواها بجد

بحس بتفاؤل
لما احلم بليل بجدي وهو بيحضني قوي و بيقلي ماتخافيش
بحس بتفاؤل
لما اكتب بوست والاقي الناس بترد عليا و فهماني و مش سيباني و يتخرجني من مودي الي انا فيه , وبحس انهم صادقين فعلا في احساسهم معايا , ولما اغيب فتره والاقيكوا بتسألوا عليا و مهتمين لغيابي ,ساعتها ببقى في قمة تفائلي
بحس بتفاؤل
لما اشوف اسره مبسوطه ماشيين سوا و كلهم بيضحكوا ويهزروا بالرغم من بساطة حالهم
بحس بتفاؤل
لما اقابل حد من اصحابي بتوع زمان و نفضل نفتكر لما كنا صغيرين و اضحك من قلبي معاهم

بحس بتفائل

لما اسمع دعوه حلوة من مريض بديله نتيجة تحليل و طلعت سلبيه او العلاج جاب نتيجه , او سحبت منه وموجعتوش فيفرح و يدعلي بجد من قلبه و اشوف فرحة المعافاة من المرض بترقص في عنيه

بحس بتفائل

لما الاقي اتنين كبار في السن ولسه ماشين سوا ماسكين في دراع بعض و من كتر حبهم و عشرتهم بقوا شبه بعض , فاتفائل و احس انه لسه في حب , ان الي بيقول ان الحب بيموت بعد الزواج دا غلطان عشان في ناس قدامي اهي لسه بيحبوا بعض بعد مافات على جاوزهم سنين طويله قوي

بحس بتفائل

لما اسمع عن رحمة ربنا الواسعه علينا

بحس بتفائل

من فكرة وجودكم في حياتي

:)

-----------

و امرر التاج لـ

محض روح
.:.-=- ELGaZaLy-=-.:.
Mr coffee
حكاية ... معرض الأيام
ضد الظلم
هو و هو ... ابراهيم
الدليكون

يوتا البريئة
another rosa Dream
قلوب حائرة
gohaina
هنا الجنة
voice of love
yasmina
عادي بقا
Maichealitoo
Soooo

dr.gisho
كان حلم ليلة صيف
proid
للحب وجوه اخرى
nony`s stuff
واحدة من الناس
روح الفدا
Westtwest
مصراوي اوي
wanna b a groom

ربما الظلام ليس بذلك السوء الذي نعرفه

ربما كل ما يولده الظلام في نفوسنا هو الخوف

و لكن مع الخوف ايضا يولد الامل في قلوبنا

الامل في ان نجد هناك في تلك البقعة التي لا نراها شعاع ضوء و لو بسيط ليخرجنا من خوفنا

أو حتى يد تمتد نحونا لتؤنسنا و تخبرنا اننا لسنا وحدنا في ذلك الظلام

------

----

--

حسنا ربما الظلام ليس بذلك السوء الذي نعرفه

Sick

السلام عليكم

هاااي ... ازيكوا كلكوا

وحشتوني جدا جدا جدا جدااااااااااااااااااااااااااااااا

و سوري بجد اني ماتبعتش المدونه ولا مدونة اي حد في الفتره الي فاتت دي بس كان غصب عني

اخدت حقنايه صغنطوطه بريقه رقيقه لكن طلعت لابسه ثوب الحمل و كشرت عن انيابها ومخالبها بعد يومين , اسقطتني طريحة في الفراش- بحب انا اللغة العربية الجامدة بتاعتي دي بالذات في المواقف-و

طلع عندي حساسية ضدها

بس الحمد لله جت سليمه و عمر الشقي بقي

نتج عنها بس ان ماما قررت تتبرى مني بعد الخضه الي خضيتهالها الفتره دي و قررت تتبرع بيا لاي جهة تقبل التبرعات الي زيي

وتريقه محترمه على وزني الجديد او بمعنى اصح بقايا وزني-قال يعني كان في وزن قديم- هههههههههههههههه

بس عادي عادي عادي ولا يهمني انا اسد

لا بجد كانت تجربه صعبه شويه بس الحمد لله على كل حال و عدت على خير

وسوري اني قلقتكوا عليا

وبجد مرسي مرسي لكل الي افتقدوني و سألوا عليا بجد اول مادخلت ولاقيت سؤالكوا عني فرحت اوي

يلا كنتوا هتخلصوا من روزا و بوستاتها الغلسه

ههههههههههههههههه

و وحشتونيييييييييييييييييييييييييي

لماذا يغيرنا هكذا

هي صديقتي منذ ان كان عمرنا خمس سنوات
كنا لا نفترق و من يرد ان يبحث عني فليسأل عنها , كنا شخصيتان متضادتان كنت اتمتع بالهدوء و هي تمتع بالشقاوة المفرطه لكننا كنا على انسجام تام
تمر الايام بنا فنبتعد لفترات لظروف الحياة أو الدراسه ثم نلتقي كأننا تركنا بعض الامس فقط كأن شيئا لم يكن وهكذا لسنين
ألحت عليا مؤخرا الرغبه الشديده في زيارتها فلم نتقابل منذ 5 أشهر تقريبا و مكالمة تليفون لن تشبعني من شقاوتها و رؤية كل جزء بها يتطاير من الفرحة لرؤيتي
ذهبت لأجدها واحده أخرى تماما
يملأ عينها الحزن و الكسرة فلا اجدها تلك الشقية التي بمجرد ان اجلس معها انسى كل همومي لأرد كما كنت طفله لا تحمل للدنيا هما فابتسامتها و ضحكتها لم تكن تفارقها فهي الشعنونه كما كان يطلق عليها
اخبرتني انها مرت بتجربه خطبه فاشله, تدعي معها انها لا تهتم لهذا الفراق و انها اسعد حالا الآن و انها مرحله من حياتها و قد انتهت و رحلت,

لكن هذا المرحلة التي تدعي انها انتهت .... انتهى معها الكثير منها و من شخصيتها
توقفت كثيرا امامها أنظر لها فلا اجد تلك الابتسامه المفعمه بالحيويه

انظر لعيناها فلا اجد لذلك البريق الذي كان يميزها آثر ... حتى نبرة صوتها الصاخبه المفعمه بالحيويه أصبحت كلمات قليلة تخرج من قلب حزين يدعي الثبات و عدم الاهتمام
اخبرت امي بما شعرت به بعد زيارتي لصديقتي ... فاخبرتني اني الاخرى قد تغيرت كثيرا بعد انتهاء خطبتي انا الاخرى
لم اقاوامها كثيرا .... فأنا على يقين تام من هذا التغير الذي طرأ بي واني تغيرت تماما كما تغيرت صديقتي
لماذا يؤثر هذا الحدث بالذات في حياتنا بهذا الشكل
لماذا يفترسنا هكذا ليأخذ منا ما يميزنا
يقولون ان لا احد يموت من الفشل في تجربة حب
اعترف انه لا يميت لكني ادركت ان الموت ارحم بكثير من ان تحيا بلا هويتك ان تحيا بدون ما كان يميزك و يميز نظرة عيناك قبل ان يدخل حياتك من يسلبها منك
بالرغم من دخول هؤلاء الاشخاص و خروجهم من حياتنا دون ان يتبقى لهم رصيد في قلوبنا الا انهم يحدثون ذلك التغير بنا
يسرقون منا فرحتنا و ما يميزنا , يسرقوت بريق عيننا , و يأخذون معها ثقتنا في الاخرين و يمنحونا في المقابل وجه آخر لا يشبه ملامحنا

و عينان آخرتان تنظاران للحياة بشكل آخر

قلب لا يحتمل عبث آخرين بمشاعره او حتى مجرد الاقتراب منه على استحياء
فهو قلب لا يدري هويته ...اهو لذلك الشخص القديم بكل ماكان يحمله من نقاء و ثقه مطلقه في الاخرين ... ام لذلك الشخص الجديد الذي يتردد حتى في ان يرد تحية الاخرين من شدة خوفه
فيتركك بقايا انسان بلا هوية او شخصيه او حتى جرأه على خوض الحياة
قلب يموت رعبا و جبنا من محاولة عبور اسواره التي لم يدع بها بابا واحدا به من خوفه من ان يحاول احدهم الطرق عليه
قلب لا يملك ان يتذكر نفسه قديما الا من خلال ترديده تلك الحدوته الصغيره عسى ان يستعيد نفسه على امل ان يترك تلك المنطقه الرماديه التي يقف عندها الآن
كان ياما كان كان في عصفور قلبه صغير ... ريشه قصير .. حلمه يرفرف بره الصور كان انسان من طين من نور كان بيدور على الي يخضر قلب الناس القاسي البور
كان ياماكان قلب في حدوته رق و حن... رق و حن على البنوته في زمن اتجن
زمن الناس في قلوبها وحوش... زمن الغاب و الناب و وشوش.... تحزن غشه و تضحك زور
كان ياماكان احلام بضفاير قلب و بس ذنبها ايه لو قلبها طاير حب و حس
بنوته في حدوته جنان و بتجري و راها الايام.... هيا وكل بنات الحور

روزا اتنصب عليها يا ردالللللللللله

يا رداااااااااااااااااااااله

أيـــــــــــــــــــــــه(دا صوت الرداله طبعا) ه

شوفت البنته روزا حصلها ايـــــــــــــــــــه

أيــــــــــــــــــــــه .... دول الرداله برده

في يوم في شهر في سنه تهدى الجراح و تنام و عمر جرحي انا اطول من الايااااا.......... ستوووووب سرحاشان معلش

لاااااا دا عقلي الباطن بس من الي حصلي

انا اتنصب عليا يا جماعه , ايوه اعلنها بمنتهى الصراحة و الوضوح ... كان فين بس الوضوح دا لما اتنصب عليا

احكيلكوا الموضوع

قاعده في امان الله في المعمل بطبع كام ريبورت لسه مشتغلاهم وعشان الحظ الجميل الممرضه الواعية الراسية الي مايجلهاش بالهاريسيا مش موجوده معايا ساعتها .... لاقيته داخل عليا و عمال ينهج وبيعرج و بيستأذن يدخل يقعد

قلت يا سلام ايه الادب و الذوق دا ماكلهم بيدخلوا من غير اي مقدمات و بيقعدوا و يشربوا قهوه وشاي و شاندوشتات كمان و بيقذقذوا لب و بعدين يعبروني

عادي جدا محدش يسالني بليز هوا دا معمل و لا مطعم و لا متنزه عام ولا سكيرتارية الدكتور الي جانبنا ولا ايه النظام ما علينا احنا معملنا في خدمة الشعب ,

نرجع للكابتن الي كان بينهج من شوية و دخل و استأذن و يا ريته ماستأّذن

ااااااااااااااااااااااه

بعد ما قلتله طبعا اتفضل اتفضل استريح ايه فين الرياضه

قالي مانا جايلك في الكلام يا دكتوره اهو لو تعرفي هتعذرني

اهم حاجه نفسية الواحد

قلتله خير ؟؟ في ايه

اولا والدتي بتشكر في حضرتك جدا و و متابعه معاكي هنا في المعمل السكربتاعها و بتقول عليكي دكتوره ممتازه ماشاء الله

و انا بقى لا داعي لا داعي اخجلتم تواضعنا

و دا لااااا حاشا و ماشا و كاشا ازاي دي بتخف بس لما تشوفك

يا .. بلاش مبالغه بقى

دا احنا هنا ساكنين جنبكوا

طب ايه بقى هيا اسمها ايه ,

الحاجه ام محمد

واااو لا في الانجاز بصراحه ماكل الحاجات الي بيجوا هنا عندهم محمد

وعشان ذكائي الاصطناعي مارضتش اضغط في الاسم عشان عارفه الولاد مش بتحب تقول اسم ماماتهم , و ما علينا

المهم بقى احكيلي يا استاذ محمد خير يا تري

طبعا انا زي اخوكي الضغير

صغير مين يا عم دا انت تخلفني مستريح وبعدين بلاش كدا بص على الاحجام يا كابتن ....

لما اذبهلت قال اه صغير في المقام طبعا

لا لا يا استاذ محمد ما تقلش كدا

لحد هنا و عادي جدااااا لان تلات تربع الي بيدخلوا بيحبوا يجوا يحكوا في الاول كدا و يحكوا قصة معرفتهم بالمعمل و مين حلل فين و اولاد الحلال الي دلهوم على هنا فا مافيش مشكله خالص المهم

ندخل في لب الموضوع

بوصي يا دكتوره

و راح موريني ورم بشع ورا و دنه

و مكان جروح كدا في رقبته و دراعه

وانا خلاص يا استاذ محمد كفايه انا مصدقه

ماسبنيش الا لما وراني كل الي في رقبته و دراعه

بسأله من ايه قال الدكتور قال دا كيس دهني و كل ما يشيل واحد يطلع تاني و احد اكبر في حته تانيه و هكذ ا ... انا سمعت كدا و حنفيت عياااااط اتفتحت من هنا مقدرتش امسك نفسي لاني استنتجت الاورام دي ايه

وهوا انا اسف يا دكتوره والله مش قصدي بس عشان تقدري

دا انا لما الدكتور دا ماعرفش يفدني رحت القصر العيني لاقيت هناك دكتوره كدا صغيره زي حضرتك كدا و لما ورتها جسمي قعدت تعيط برده

دا غير ان خطيبتي سابتني لان الاورام دي أثرت على قدرتي الانجابيه

وانا أعيــــــــــــــــــط

وانا عازرها ... انا عازرها و مسامحها هيا برده نفسها تبقى ام

(متسامح صحيح )

و انا اعيــــــــط

دا انا كنت هنتحر من تلات ايام

وانا اعيط

دا انا هاين عليا ارمي نفسي قدام اي عربيه قدامي بس اقول حرام اظلم صاحبها اوديه في داهيه

و انا اعيـــــــــــــــــــــــــط

انا اسف يا دكتوره

و دلوقتي مابقتش بقدر اشتغل ووالدي متوفي و معنديش لا اخ و لا اخت و لااي حد يقف جنبي

وانا ................. ها عارفين طبعا

أعيـــــــط

ارجوك يا دكتوره اقفي جنبي و ساعديني في موضوع التحاليل دا

قلتله شور طبعا انا معاك الي انت عاوزه

قالي لما رحت للدكتوره جيهان قالتلي تعمل تحاليل انسجه و فوجئت بالمبلغ و ماكنش معايا اي فلوس غير حاجه بسيطه دفعتها

ولسه عليا باقي يندفع لما اروح استلم النتيجه

و ان اعيــــــــــط و زي العبيطه لسه برده مش فاهمه اي حاجه و مستنيه بقى يقلي اسم التحليل الي محتاجه عشان اعملهوله و اطمنه و اطمن عليه

لاقيته بقى بيقلي انا هطلب من حضرتك طلب بس يا ريت ماتحتقرينيش

وانا اتفضل لا ارجوك ماتقلش كدا خيـــــــــــــــــــر

لاقيته بيقلي لو سمحتى بس بقيت فلوس العينه ادفعها للتحليل الانسجه دا و انا واللللللله وحياة الشهر الكريم دا اول ما اقبض معاش والدي يوم عشرة الشهر هجبهوملك تاني , وخدي اي ضمنات بطاقتي كرنيهي اي حاجه

و انا بقى استكمالا للعبط , لااااااا ماتقلش كدا بلييييز من غير ضمنات ولا الكلام دا

و رحت فاتحه شانطتي و فضيت كللللللللل الي فيها ادتيهوله زي الهبله لا زي المغفله

صحيح القانون ليه حق مايحميش المغفلين امثالي ههههههه

بس

و قلتله دول كفايه؟؟؟

قالي اي حاجه مش مشكله مش مشكله

و راح و اخدهم و شكرا يا دكتوره و سلام

سلام

و انا اعيييط و اعيط و دخلت اصلي و ادعيله ان ربنا يعوضه خير و يكون الموضوع بسيط

دا لسه في عز شبابه

المهم يا جماعه بعدها بساعه كدا وانا مازلت على حالتي السابقه من النهنه و الشنهفه و البكبكه ( ماحدش يقول ايه يعني ايه بكبكبه لو سمحتو هيا اكيد احد مشقات البكاء ... كفايه الي حصلي بقا ) قلت اقف في الشباك ادعيله ربنا شويه و اخفف عن نفسيتي الملتاعة بالام و الحزن والاسى و العيـــــاط عليه لاقيته يا اخواني ماشي في الشارع بمنتهى النشاط و الهمه و العرج الي كان في رجله رااااااااح راااااااااااااااح قلت يا حلولي دا شكله اتعالج و خف هههههههههههه

لا طبعا ماقلتش كدا انا اذبهلت و استجمعت كل قوايا البلوليسيه و وركزت بنظري لحد ما بقى ثاقب ماص و راقبته رايح فين لاقيته يا اخواني ماشي يبوص على يوفط الداكاتره و المعامل الي حوالينا واحد واحد و يطلع فوق شويا و يقعد بتاع 10 دقايق زي الي اقعدهم و نازل يا منشكح يا منكشر( منكشر دي طبعا كشر يكشر فهو كاشر مكشر يعني من الاخر ) و هكذا بطول الشارع

كان هيجيلي سكته نفسيه حاده

كدا يا استاذ محمد , يا ابن الحاجه ام محمد دا ماكنش عياط و شنهفه الي بينا دا انت طلعت شريــــــــــر

وهكذا كانت حكاية اول نصبايه اتعرض ليها في بداية حياتي العملية في المعمل

كل لما احكي لحد بيقعد يضحك و انا بقلبها هذار , بس بجد من جوايا اكتئبت و زعلت كتير قوي

فين حرمت الشهر الكريم الي هوا فيه دا , لا و منفعل قوي و انا بهذر معاه اول مادخل و بقله انت صايم ولا ايه و يقلي عيب با دكتوره الا الصيام دا انا ممنوع و ممنوع جدا من الصيام بس الا طاعة ربنااااااااااااا

وانا اواسيه و اقله دا يوم القيامه الي ربنا ماكنش جاعلهم من اصحاب الابتلاء هيتمنوا لو كانوا مبتلين عشان ينالوا مقدرة المبتلين الصابرين يقولي ماهوا الايمان و الصبر و ربنا الي مصبرنا

يا ربببببببببببييييييييي

قمة النفاق و الخداع و انعدام الدين والضمير

يمكن العيب مني اني ماكنتش واعيه كفايه , بس مش قادره اتخيل ان حد يتبلى على نفسه بالمرض او لو كان مريش فعلا و لو اني اشك انه يتاجر و يسرق بمرضه

يلا كل نصبايه وانا طيبه و هبله و عبيط كمان

خلو بالكوا بقى

و رجاء يا جماعة بليز الي يعرف الدكتورة جيهان الصغيره زي الي في القصر العيني يقلها لما محمد يروحلها تبقى تقله ياخد فلوس كفايه معاه وهوا رايح يعمل التحاليل و بلاش تعيــــــــط عشان انا بعيـــــط

و انا اعيــــــــــــــــــــــــــــــــــط

:)

عم صالح البواب

عم صالح البواب

شخص ماتقدرش تحدد سنه قد ايه من كتر الشقى و التعب الي حفرتهم السنين على شكله وملامحه و حتى صوته و مشيته و طريقة كلامه

كل مره بشوفه فيه بفتكره لابس نفس اللبس , بس اكتشفت مأخرا انها حاجات مختلفه بس طعم و ملامح الشقى اترسموا عليهم هما كمان و فبقوا متشابهين

بيلبس نضاره تخينه قوي ماتعرفش لون قزازها ايه و ماتعرفش هوا بيشوف من عدستها ازاي

بنطلون و اسع عليه و طويل تنيه على قد ما يقدر ملايين خروم و قطع , وعليه قمصان كتير فوق بعضها في عز الصيف معرفش بيستحملهم ازاي و ماعرفش سر انه بيلبسهم كلهم على بعضهم , آخر قميص منهم الي باين صوف و مقطع و متبهدل بالرغم اننا في عز الصيف

اما عن الشوز فهيا مش مقاسه و كبيره عليه و اعتقد انها بلاستك مش جلد

بطنه كبيره , اعتقد انه عنده كبد, مش عارفه , بس من الاخر هو انسان بسيط قوي

دايما بعدي عليه بس عمري ماتعاملت معاه , حكمت الظروف اني اروحله انا و ماما عايزين منه يدورلنا على شقه في المنطقة لواحده قربتنا , لاقيته من قريب مبتسم على طول و هو بيتكلم

قالنا سيبوني كام يوم و انا هبقى اقلكم

عدت فتره و رجعنا نسأله , ماما كانت مقرره انها هتديله فلوس الاول, عشان ياخد الموضوع جد و يدور و كمان عشان شكله بسيط قوي و كمان ياخدهم من غير مانجرح كرامته ,من غيرما يحس انها مساعده وكدا,و قلتها سواء دور او مدورش اديهمله وخلاص , شكله غلبان قوي يا ماما

الممهم رحناله, وماكنش لسه لقى شقه بالمواصفات الي عايزنها, و اتفقنا نعدي عليه بعدين نسأله, و احنا ماشيين ماما بتديله الفلوس

تصوروا كان رد فعله ايه, حلف انه مش هايخدهم لانهم مش حقه وانه لسه مالاقش الشقه و لما يبقى يلاقيها اوك و غير كدا مش م حقه

انا وقفت كنت مزهزله .... و سألت نفسي معقوله يا عم صالح , معقوله دا انت في امس الحاجه لمجرد جنيه حتى والمبلغ الي ماما حاولت تديهله مش قليل خالص

ومع كدا و قف بعزة نفس , ورفض تماما ياخد اي فلوس غير لما يلاقي الشقه غير كدا , مش حقه , وسابنا و مشي و ابتسامة رضى و قناعه كبيره قوي على وشه

من بعدها و انا مابقتش بشوفه غير راجل غني قوي برضاه و عزة نفسه و كرامته, والقطع الي في هدومه معدش ليه أيي وجود

ظلمات الوهم

تشعر انها لم تعد قادرة على التعامل مع الآخرين

لم تعد تدري معايير الحياة السوية

لم تعد تدري اذا كانت على صواب او خطأ

بدأت تشعر ان المشكله تكمن بها , لا احد سواها

, لم تعد تدري شيئا

فقط كل ماتعرفه ان ذلك النور الذي كان يطل من قلبها ليشع في عيناها قد انطفأ مع ظلمات اوهامها الكثيرة

صحيح القرد في عين امه غزال ... كلاكيت تاني مره

ازيكوا يا جماعه البوست دا من سلسلة كُتب من قبل , بس فكرته رجعت ألحت عليا تاني , فقلت اعرضه عليكوا , وقلولي ايه رأيكوا في الموضوع الي في المقدمه دا و رايكوا في كتابة ماما

كل يوم بيمر عليا بتأكد من صحة المقولة الشعبية الأثيرة دي القرد في عين امه غزال
هو صحيح انا مش قرد اوي بس برده مش غزال ...اكتشفت ان ماما بالرغم اني عايشه معاها 24 سنه لسه لحد دلوقتي مش عرافاني كويس و شيفاني غزال بالرغم من جميع حركاتي القرداتيه لإقناعها بغير كدا إلا انها مصممه..حبيبتي يا مامتي دايما رافعة معنوياتي بس المره دي وسعت منها يلا بقى قلب الأم .
بعد حدث مش ظريف كدا حصلي مؤخرا تاني يوم الصبح من حصوله لقيت مامتي حبيبتي و صديقة عمري كاتبالي الكلام دا, كل الي قدرت اعمله اني اعيط , معقول يا ماما انتي شايفاني كدا !!! عارفه ان كل حد شايف و لاده احسن حد في الدنيا بس بجد انا بستمتع بالشعور دا اني عارفه ماما بتحبني قدايه و عارفه انا بمثل ايه في حياتها ... ربنا مايحرمنيش منك يا حبيبتي .
و برغم محاولاتي المستميته اني اخليها ترجع في كلامها اوانها تقول دا كلام مجامله لرفع روحي المعدنية المدمرة فقرقرت الاستسلام و قلت خلاص ماشيها يا بنتي غزال غزال ,, الصيت و لا الغنى برده *
من اليوم دا و انا قرقرت اني اعوض شحنة الحب و العواطف الي جوايا فيها ,هيا اولى برده
أصل سألت نفسي هو احنا ليه مش بنعبر للناس الي بنحبهم عن الجوانا بكلمة بحبك على طول زي ما بيحصل مع الخطيب او الزوج او الحبيب هي الناس دي برده مش ناس بنحبها و تحبنا و يمكن بتحبنا اكتر كمان و ليه دايما ما بنبذلش مجهود لتوضيح دا زي ما بيحصل في علاقات الحب التانية , هل عشان دي امور مسلم بيها و الأم معروف انها بتحب بنتها و العكس , و مش محتاجين نعمل الحاجات الصغيره دي عشان نقول بحبك بكل الطرق ؟؟
مش عارفه بس زمان كنت بحسها تقيله قوي بالرغم اني كنت هموت و قول لماما بحبك او اروح و احضنها بس مش عارفه ليه دايما كنت بتكسف اعمل كدا مع ان مافيش حدود بيني و بينها و كنت دايما بأجل دا اقول مره تانيه , ماهي اكيد عارفه اني بحبها
بس قررت بعد الحدث الي حصلي في حياتي انها احق واحده بكلمة بحبك دي كل شوية

ماما بحبــــــــــــــــــــــك

وel monkey fi 3in his mother 3`azal الان مع اثبات صحة المثل الشعبي العظيم

من يستحقك...؟؟
فعلى شرفتك حبيبتي تنتظر العصافير و الفراشات كل صباح
تأخذ كلمة السر منك و تنطلق لتنشر الفرحة و الأوان و البهجة في الفضاء
وقطرات الندى

تنتظر..حيث لا ترطب الأوراق الجافة إلا بعد أن تختلط بعطر أنفاسك
و ريشة الألوان

تنتظر عند كل غروب لمساتك ,لتلون السماء و الزهور و الجبال و الوديان و تعطي اللون الذهبي للنجوم
من يستحقك...؟
و القمر في السماء ياخذ من ضياء وجهك حتى يضيء
و النسمات خلف أوراق الشجر تنتظر طلتك يا حبيبة فتدور و تدور في انحاء الفضاء
و الماء الساكن في الانهار
ينتظر ابتسامتك فينساب لينشر الخير في الوديان
قولي من يستحقك يا صغيرتي
سوى فارس مازال موجود في رحم الايام
فارس... يعرف لغة النهر و الزهر و الألوان

-------------------------------------------------------------------------------

احم احم احم احم احممممممممممممممممم . دا انا يا جماعه الكلام دا مكتوب ليا انا اقول ايه بس , بحبك يا ماما

ملحوظه كدا على جنب : يا ريت رأيكوا في موضوع اننا مش بنقول لاهلنا اننا بنحبهم , مش رأيكوا في موضوع انا قرد ولا غزال .... هاااااااااااااااااا .. عشان عارفه في ناس شريره كدا ممكن احقادها تبان

:D

و سؤال كدا على جنب برده , في امل في وجود الفارس الي بيعرف لغة النهر و الزهر و الالوان؟ ولا مش هيتولد ابدا و يفضل في رحم الايام؟

وحشتونييييييي

وحشتوني و حشتوني و حشتونيييييييييييييييييييييييي
جدا جدا جدا جداااااااااااااا
ومرسي بجد لكل الناس الي سألت عني او افتقدتني
بجد مرسي
اما بقا عن السبب العظيم هو اني بقيت محدثة شغل جديده
فطبعا الفتره الي فاتت كنت بعمل عملية تظبيط زوايا من جديد لكل اعضائي الجسمانيه و افكاري النفسوايه مع التدريبات العضليه للتأقلم على الوضع الجديد
و بما اني بذلت مجهود جامد كان بمثابة صدمه نفسجسمانيه حاده لكل خلايايا فكان لابد من الترفيه , ايه يا جماعخ دي روزا بتشتغل لمدة شهر متواصل يعني حرام بقا كتير
فرحنا بقا نصيف وكان المكان المختار للترفيه عن تلك الخلايا المسكينه الى مرسى مطروح

بس و اديني رجعت مره تانيه , مش عارفه بقا ممكن استحمل كام شهر كمان لحد ماقرر الترفيه عني تاني امتي
ههههههههههههههههه
بوصوا بقى والله وحشتونييييييييييييييييي

وحشتني

تأتيني دائما لتشمنحني ذلك الحضن القوي كصخره , الحنون كجنه, الرقيق كنسمه , فأبكي و أبكي فتضمني اكثر , و بدون ان انطق تعلم ما بي , فلا ارغب سوى في المزيد من ذلك الحضن القوي الذي يمدني بصلابتك و قوتك , انظر في عينك فتمنحني احن نظره يمكن ان يعطيها ملاك , المح ابتسامتك المعهوده الممزوجه بالرضى , فتشع على خلايايا اطمئنان و سكينه
هل تعلم كم احبك؟؟؟ بالطبع تعلم , فأنت تعلم جيدا مقدار حبك في قلبي
يسألوني عتك دائما , فأنا صاحبة امتياز رؤيتك و حدي , تأتيني دائما لتسأل عن أخبارهم و تحملني بالرسائل اليهم
لا يهمني ان كنت تاتي من أجلهم او لي المهم اني اراك يوميا و في كل مره احصل على ذلك الحضن القوي كصخره , الحنون كجنه , الرقيق كنسمه , فأبكي و أبكي فتضمني اكثر
دائما ما عارفت مكانتي الخاصة بقلبك ,و حتى الآن يتحدثون عنها و يحسدونني عليها , وأحسد نفسي اكثر
كنت و مازلت ملاكي الحارس , الذي لا يتركني ابداانت تدري حتما سر جملتي التي استقبلك بها يوميا في كل زياراتك لي , بالرغم من انك تأتيني يوميا ... جملة اشتقت اليكفالبرغم من انك معي حبيبي يوميا الا اني مازلت و في كل ليله , اشتاق لملمس اصابعك يداعبني , لرائحة ملابسك العطره ,و اشتاق اكثر و اكثر لنبرة صوتك المميزه و هي تداعبني قائلا الوزه الروزه , اشتاق لمفاجئتي اليوميه عند كل صباح بما احضرته لي ليلا , فهل تشتاق لي انت الآخر؟؟اعذرني حبيبي و سامحني ان كنت لا اريك الا دموعي في كل مره نجتمع فيها سويا , فأنا على يقين من انك لن تمل مني... من الوزه روزه بتاعتك
حبيبي , مرت الان تسع سنين متذ غادرت دنيانا بجسدك , ربما تركتهم هم , لكن لم يمر يوم دون ان تأتيني في نومي لتمنحني ذلك الحضن الرائع القوي كصخرة , الرقيق كنسمه, لتطمئني و تبشرني و تجالسني
مرت الان تسع سنين لا ادري كيف مرت ,عرفت خلالهم كيف تموت اشتياقا لكي يشاركك احب الناس الى قلبك فرحتك بأي شيء , فلا تملك الا استحضار صورته , تسع سنوات عرفة خلالها معنى ان تصرخ بكل ما اوتيت من قوه باسم من تحب على امل ان تجده حاضر أمامك و لو لمره اخيره لتخبره كم تحبه و كم تقدره,فلا تملك اي شيء سوى دموعك و من بعدها الاستسلام لحزنك الدائم , وانتظار ان تنام ليأتيك ملالك, لكن ما يعزيني دائما ان مثلك حبيبي لا يمت ابدا , فلازلت حتى الان في احاديث الناس و دعواتهم , مازلت تعيش في قلوب الناس ووجدانهم فعبير سيرتك العطره اقوى و اثبت من ان يمحوه الزمن
و كيف يمحو الزمن سيرة الحاج بدوي ذو القلب المفعم بالطيبه و حب الخير

مازلت اذكر آخر يوم رأيتك فيه قبل ان يتركنا جسدك ,كنت مغادرة و أخذت تذكرني بأن آكل كويس عشان صحتي , وابتسمت لك ورددت عليا بابتسامتك التي اعشقها و رحلت دون ان اعي انها ستكون آخر مره آراك فيها حبيبي, دون ان اقبل يداك او ارتمي بحضنك , او حتى اخبرك كم احبك و كم تعني لي . دون ان تدري اني الان اصبحت كما تمنيت لي , دون ان تسلمني يوم عرسي لمن ترضاه لي, رحلت قبل ان ارد لك اي جزء و لو بسيط من الحب الذي اعطيتني اياه
رحلت دون ان تتعب احد معك رغم الآلام التي تحملتها وحدك صابرا , شاكرا ,محتسبا , فتركتنا ندركها بعد ان رحلت ,
حقا افتقدك كثيرا ,لكن ما يعزيني هيا زيارتك اليليه لتمسح عني دموعي ,جدي حبيبي كل ما ارجوه من الله ان يجمعني بك في الآخرة وان يرحمك الله كما ربيتني صغيره و منحتني كل هذا الحب و الاهتمام و ان لا يحرمني ابدا من زيارتك الليله لتعطيني الحضن القوي كصخرة , الحنون كجنه

افتقدك و احبك

tag Tag TAg TAG

بتاع ال TAG isomers العنوان فكرني بال
و الكلام الغلس داDNA

ما علينااااااااااااااااااااااااااااااااااااااااااااااا

وحشتوني و حشتوني و حشتونـــــــــــــــــــــــــــــي

و مدونتي حبيبتي بجد وحشتني اوي

و سوري بجد اني ماكنتش قادره اتابع الفتره الي فاتت دي

بس فاجئتا وبدون سابق انظار او اعلان او حتى هاتف في المنان (مشوها المنان مش المنام عشان القافيه بس هههههههه) تحولت من الفراغ التام الى الانشغال الزؤام

و مابقتش لاقيه اي فرصه لاي حاجه في اي حاجه خالص ودا ليه بقا عشان بقيت بتدرب في معمل تحاليل كل يوم وبرجع من المعمل مقتولة الفكر و الجسد ( يا ربي على الكلام الجامد ) ايوا كدا يا روزا , وريهم اللغه الجامده برده

بس و اكتشفت مؤخرا اني اي كلام و مابستحملش اي حاجه في اي حاجه , وان كل الي كانوا بيقلوهولي في البيت طلع صحيح اني اي كلام وملايش في الشغل و المجهود ... والنتيجه انهم فرحانين فيا ود لاني بقيت برجع اناااااااااااااااااااااااااام و على اتم استعداد اني اكل اي حاجه في الدنيا قدامي مهما كانت وطبعا دا الجزء الي مفرح ماما فيا , فلم يعد هناك اعتراض على اي نوع من انواع المؤكولات البحريه اوا لحيوانيه ولا حتى التي تتبع الثروه الداجنيه و لا مانع من السندوتشيه او الطبيخيه

بس خلااااص اني اغرق اغرق اغرق في بحر التعب و المعنااه لكن ولا يهمني , سأظل صامده رغم الالم والاسى واما النصر او الشهاده

يا ربييييييييييييييي شكلي فوت فعلا يا جماعه

خير خير خير

يا ربي على الرغي

اصل بجد وحشني بقا ماليش دعوة

المهم نخلينا في التاج ايزومريز دا

كان بعتهولي اخويا الصغير محمد من زماااااااااان , على الله التاج يكون كش و لا نقص خلال الفتره الي فاتت دي

الآن الى التاجااااااات

تشبه مين من القادة؟؟

ياسلام يا سلام هييه طلعت طيبه و محبه لاعطاء الآخرين

الترجمه بقا

انت محب للناس

انت الام تريز (يلا عقبال مابقى الام روزا ) هههههههههه

انت قائد لأعمالك الخيريه و طبيعتك المساعده

انت تحب ان تعطي الآخرين

تشبه ايه من الافلام؟

ماليش دعوه بقا طلعت بحب اضواء الشهره

اي شخصيه من مسلسل فريندز

ربنا يستر.... بتوقع ريتشل اما نشوف

هههههههههههههههههه زي ماتوقعت

You are most like: RACHELHow sure are we? BARELY As Rachel, you are sometimes seen as shallow and ditzy. And it's true that you have been known as somewhat of a dreamer. But that will change. Now that you are in the real world, and can't rely on daddy anymore, you're going to have to dig in and get your hands dirty for once. But you'll be okay...behind that rich kid persona is one tough cookie.

بس و امررها لكل الناس في اليست عندي

عالله ماتكسفونيش و تحلوهوم بقا :( كل مره تضحكو عليا و تاحلوش حاجه

يا كل تاج واحنا كلنا طيبين

وحشتونييييييييييي

رحلة في حياة شخصين

كانت رحلة في حياة شخصين

يسيرون معا بفترة زمنية و احده

لكنها ظلت في النهاية حياتين مختلفتين

لشخصين مختلفين

ربما التقت في بعض النقاط

لكنها ظلت في النهايه حياتين مختلفتين

ربما جمعت بعض الاحلام و الآلام و الخطط المستقبلية المشتركه

لكنها ظلت في النهاية حياتين مختلفتين

........................

اعلم جيدا ان تلك الفترة الزمنية قد غيرت بي شيئا ما

ربما ليس بالشيء الكثير

لكني اعلم تماما ان شيئا ما قد تغير بي

لا ادري ما هو

ربما اصبحت اسوأ .... ربما اصبحت أفضل

لا ادري

فكل ما اعرفه اني لم اعد ذلك الشخص

أو على الاقل لم اعد ذلك الشخص القديم

امس انتهينا

ظلت تحلم كثيرا بتلك المكالمة التي طالما اعتبرت انها مفتاحها السري لاسترجاع حياتها مره اخرى

اصبحت تضن بضحكتها على نفسها وعلى من حولها على امل ان تفرغها في عيناه هو فقط مره اخرى

اصبحت تحتفظ بصوتها فقط كي لا يسمعه غيره

اوهمت نفسها كثيرا ان في تلك المكالمه النجاة

اصبحت كالحلم يأتيهيا كل مساء فتجعل منه زراعين تحتمتي بهما من الوحده

و من شوق العين للعين و الروح للروح

اصبحت وقفتها الدائمة كوقفة طفل حزين.... حتى ابتسامتها اصبحت ابتسامة طفل جريح.... طفل لا تزوره البسمه كثيرا

ومع كل محاولتها لنسيانه واغلاق صفحة وجوده في حياتها للابد لم يجدي شيء معها

اخفاء صورهما معا.... اخفاء دبلته المنقوش عليها اسمه لم يجدي معها شيء

تستيقظ ذلك اليوم على تلك النغمة المميزه .... فتستيقظ معها تلك الطبول الافريقيه الكائنه بقلبها التي طلما دوت به كلما سمعت صوته او رأته

تخشى ان يكون حلم آخر من تلك الاحلام التي اعتادت عليها

تسارع بفتح هاتفه قبل ان يغلق كما كان يأتيها بكوابيسها

تجد صوت ما يخبرها انه يفتقدها وانه على يقين من انهم سيعودون مره اخرى وانه وانه و انه

لا تدري ماذا حل بها .... ففي لحظة واحده وفور سماع صوته خمدت تلك الطبول

و لم تعد تسمع اي شيء سوى صوت غريب عنها ... صوت لم تعهده من قبل.... صوت ترفض اذنها التعرف عليه ....و تنكره بشده تتأكده مره اخرى من الاسم

ماذا حدث

يتحدث و يتحدث .....فلا يصلها منه سوى ذلك الصمت المطبق الذي اعتادت عليه طوال تلك الفتره الماضيه!!!

اين ذلك الحلم الذي طالما تمنيتيه ... ها هو معك الآن

الن تخبريه بانك تفتقديه انت الاخرى ؟؟ الن تعاتبيه على تحمله كل ذلك البعد؟؟ ... الن تقولي له انك كنتي تشعرين كالتلج الذي يتلهف على شعاع واحد فقط من شمسه ليدفء برد ايامك ؟؟

ألن تخبيره ان عيناه و ابتسامته لم تكن تفارق كل ماتنظرين اليه ؟؟

فقط كل ما احسته هو الشعور بالغربه ....و رغبتها الشديده في اغلاق الهاتف فهي لا تتحدث مع الاغراب

و أخذ يحدثها عن كل شيء

لكنها لم تعد معه ..... ففي تلك اللحظة تذكرت حين كانت تتلفت بحثا عن وجهه في كل مكان .... في الوقت الذي كان يمارس هو اي شيء سوى التفكير بأمرها

تذكرت خذلانه لها وهو يقول لها ماذا افعل اكثر مما فعلت

تذكرت كيف ترك كل شيء ينهار دون اي محاولات للتشبث بما كان بينهما

تذكرت كم كانت حمقاء عندما كان يخبرها انه لا يستطيع التنفس بمجرد التفكير في انهما قد يفترقان ... فتصدقه.... و يبكي قلبها قبل عيناها من مجرد فكرة ان يصيبه اي مكروه

كم كانت حمقاء عندما ظنت ان غيابه الطويل كان بسبب مكروه الم به بسبب فراقهما

تذكرت محاولتها المستمره في اعطاءه مبررات غيابه

و تذكرت كم كانت تدعو الله كثيرا في كل صلاة .... فليسلم قلبه يا رب من كل مكروه او اذي

يا الهي ان كنت قد قدرت مكروه ليلم به فاجعله بي

يا الهي كم اعلم كيف يتألم لفراقنا فخفف عنه

ترجع من ذكرياتها على ذلك الصوت الغريب مره اخرى .... فتجده يخبرها عن السياره الجديده التي اشتراها

عن الرحلة التي قام بها للترفيه عنه

فتسيل حبات الدمع المالحه من عيانها فتغسلهما و تغسل قلبها من بقياه

فيبعد صوته تدريجيا وتخفت ابتسامته و تضيع ملامح وجهه من عيناها

فتعلم جيدا انها لن تطارده بعد الآن بداخلها

وانه قد اجتث كل جذوره من قلبها

فتدرك الان و مع تلك المكالمه ان مساري حياتهما لن يلتقيا بعد اليوم

وانها ستعود اليوم لعالم الاحياء بعد ان اصبحت جثه كالجثث التي يخلفها حب كهذا

فتبتسم ..... و تتحرر أخيرا

اسامحك يا امي و احبك .... كلاكيت تاني مره

نشرت البوست دا زمان اول ما بدأت التدوين

بس حبيت اعيد نشره مره تانيه لثلاث اسباب

الاول : اعتزازي الشديد لكونه مكتوب من ماما ليا

ثانيا : عايزه اشجعها تعمل مدونه ليها هيا كمان

:)

ثالثا: عايزه اشاركم حاجه بحبها

من سرق الابتسامة منك يا صغيرتي
من زرع اللون الشاحب في و جنتيك
من اسكن الحيرة في عينيك
يا حبة قلبي المعصور
يا بريئة في عالم خالي من البراءة
من اغتال حلمك يا كل احلامي
تقتلني نظرتك الهاربة في مواجهتي
من سيجيب على سؤالك المزروع كالخنجر في قلبي
ماذا فعلت ؟؟؟؟
يا صغيرتي
يا صاحبة القلب المفعم بالفرحة و التسامح
سامحيني
يا رقيقة... يا رفيقة يا نسمة ترطب حر ايامي
يا دفء ايامي الباردة
يا امل الغد يا شجاعة
هل تسامحيني
هل سأرى يوما تلك الفرحة المتقافزة تطل من عينيك مرة اخرى
يا بنتي يا امي يا اختي يا قلبي يا حبة عيني يا نور صباحي
أريد ابجدية اخرى تعبر عما اريد ان اقوله لك
هل تسامحيني .. يا قطرات الندى الساكنة على اوراق حياتي
هل تعود أيامنا ؟؟ و هل تسامحيني ؟؟؟

تلك كانت كلمات حبيبتي و قرة عيني و فؤادي امي
تطلب مني ان اسامحها على شيء لم ترتكبه ابدا
و ان كان هناك من يجب ان يطلب الصفح و الغفران فليكن انا ,
سامحيني لأني لم اقوى ان اداري حزني و ضعفي امامك و انا التي تعلم تماما انك تحيين فقط من اجل سعادتي و سعادة اخوتي
سامحني و اغفري لي اني لم استطع ان اكمل حلمك و ان اجعلك سعيده
سامحيني لأني تركت دموعي تنساب امامك و انا اعلم تماما ان دمعه و احده مني كفيله بوضع خنجر في قلبك
سامحيني لأني كنت انانية و تركتك تتالمين و تتعذبين بسببي
سامحيني من اجل كل دمعه ذرفتها من اجلي
سامحيني يا حبيبتي لتركي لك و حيده و جلوسي مع من لا يستحق فقط كنت احاول انتشل الفرحة لعلمي ان فرحي هو فرح ايامك
اقول لكي يا امي نعم ستعود ايامنا و ستعود فرحتنا فقط امهليني الوقت لكي اجعلك تسامحيني فقط امهليني الوقت كي امحو حماقاتي من قلبي فقط امهليني الوقت لمعرفة كيف هي الحياة
فانه بالرغم من وجود قلوب رحيمة كالجنة مثلك اعتدت ان تحوطني و تحميني من غدر الدنيا و شرورها و الامها , فهناك قلوب قاسية كحجارة الجحيم مثلهم, فقط امهليني الوقت لأتعلم و لأتعلم لابد ان اتألم
فلا تحزني يا امي اني فقط اتعلم
امي كل ما اتمناه هو سعادتك فقط سعادتك و كل ما هو دون ذالك لا شيء فقط ما يحدث هي محاولات لجعلك سعيده بعضها يفشل و بعضها ينجح
كل ما ارجوه و اتمناه يا حبيبتي و صديقتي و رفيقة دربي هو ان تعلمي اني احبك , احبك يا امي احبك

هيييييه هيييييه هيييييييييه

خبر سار لكل معامل التحاليل بجمهورية مصر العربيه و جميع الاقطار العربيه المجاورة

والغير مجاوره

يسعد مدونة روزا ان تعلن ان روزاااا نجحت في الدبلومـــــــــــــــــــة بعد سنتين من

الجهاد المتواصل

ودلوقتي هيا على اتم الاستعداد انها تكمل قعدة في البيت برده من غير شغل... بس و هيا معاها الدبلومة , تفرق برده ههههه

لا بجد باركولي يا جماعه انا فرحانه قوي قوي اصل الدبلومة دي كانت شريره قوي , يلا

الحمد لله

رب اوزعني ان اشكر نعمك التي انعمت علي و ان اعمل صالحا ترضاه

روزا توجا العالميه

الفقي لما يسعد لا فقي ايه البلوجر لما يسعد يجيله 3 تاجات مره واحده

:D

وشكلي مسعوده اوي

جالي من الجميله نوني مرسي انك افتكرتيني

بس 3 مره واحده !! هو اه انا كنت بحب التاجات بس مش عارفه بقى بعد التجربه الثلاثية الابعاد دي موقفي ممكن يكون ايه

ربنا يستررررررررررررر

والان مع فاصل اعلاني ونعود ولا بلاش فواصل اعلانيه الموضوع مش ناقص

الان الى الجهاااااااااااااااااااااااااااااااااد

الأول
Last beverage?
كوباية مانجه اءاءا وانتوا لاءا :P

Last phone call?

ايناس صاحبتي بتطمن عليا بقالنا كتير ماشوفناش بعض

Last instant message?
شوشو صاحبتي

كانت بتغير المعاد الي هانتقابل فيه المفروض كان حداشر

قالت خليه اتناشر

وفي الاخر ماتقبلنلش غير واحده

:D مواعيد جامده جامده يعني

Last CD played?
اسطوانة تعريف الاسكانر

Date someone twice?
اكيد وبدل التويز عشرين كمان مش لسه كاتبه فوق اني كان عندي معاد مع شوشو صاحبتي؟؟

ولا لأ؟ date

Been cheated on?
اه للاسف يلا المسامح كريم
Lost someone special?
اه :(

Been depressed?
دا سؤال حد محترم يسأله !!! لو مش انا الي دبرست امال مين

لا عادي ماهو لازم شوية اكتئاب عشان نحس بطعم الفرح لما يجلنا

:D

وعلى رأي الشاعر العظيم الي معرفوش حبه فوق وحبه تحت
Been drunk & throw up?
حاشا وماشا وكاشا ولاشا كمان... عيب عليك
Favorite colors?
مممم انا بحب الوان كتير منها الروز و الروز والالوان الي مديه على روز وياسلام كدا لو في لون روز كمان يبقى تحفه
Made a new friend?
اه الحمد لله وفرحانه بالفريندشيب دي كمان

Fallen out in love?
ايام الخطوبه
Laughed until u cried?
كتير كتير دا انا تخصص كدا وياسلام بقى لو مكتأبه يبقى دا اختبار البيضه بتاعي , اضحك اضحك لحد ماعيط بالمعنى الحرفي , كانت انتمتي بتترعب مني لما تلاقيني اضحك جامد كدا

Met someone who changed ur life?
واحد لا كتير معظم الناس الي قابلتهم في حياتي اثروا فيا بشكل لو بآخر someone مش
Found out who ur true friends were?
yes

Is there something u want to tell someone?ا

اه

عايزه اقول لربنا اللهم اني اعوذ بك من شر نفسي وشر الشيطان وشركه وان اقترف على نفسي سوء او اجره الى مسلم

خايفه ومرعوبه اني فييوم من الايام ائذي اي حد بقصد لو من غير قصد

واقول للناس تيامحني لو سببت لاي حد اي شيء يضايق حتى لو بصيت و والله مش قصدي

How many kids do u want to have?
بحب الاطفال اويييييي ,ونفسي ربنا يرزقني بيهم

اي حاجه بقا بس مش اقل من اتنين ويكونوا اصغر من بعض بسنه واحده بس زيي انا واخويا كدا

ربنا يرزق الجميع
Do u want to change ur name?
NEVERRRRRRRRRRRRRRRR

EVEEEEEEEEER

انا بمووووووووت في اسمي ودايما اقول لماما مرسي انك اخترتيلي الاسم دا

حد اسم الدلع بتاعي المشتق منه بحبه
What did u do 4 ur last birthday?
كنت بعيط

:D
What time u wake up today?

ليه الاحراج دا بس ... الساعه واحده

Most visited web page?

البلوجر عموما
Google

فاصل ونعود

عدنا

:D

الثاني
انت مين
روزا
مين أكتر ست أشخاص بتحبهم
سيدنا محمد

ماما

احمد اخويا

الكابتن يوجي ابن اختي

جمال عبد الناصر

كفايه كدا بقى

انت سعيد

لا انا روزا :P

الحمد لله على كل حال

كنت لسه بتكلم مع ماما في الموضوع دا

يمكن زمان كنت اسعد من دلوقتي , بس عامة الحمد لله ماعنديش مشاكل قويه الحمد لله ربنا يدمها نعمه علي الجميع

الحمد لله
لو معاك مليون و نص جنيه تعمل بيهم ايه

اشمعنى ونص يعني مش ينفع اتنين او تلاته؟؟ مابحبش الكسور دي انا بس بما انها مليون ونص

اول حاجه هعمل لماما حلمها الي نفسها فيه بيت على البحر او يحيره حواليه خضره كتير تزرعها بنفسها

اساهم في اي مشروع ممكن اساعد فيه الشباب

واحاول ادخل الفرحه بيهم على قلوب الناس

واصلا المليون ونوص ماعدوش مبلغ كدا اصلا خلصوا , ايه البخل دا مش تخليه20 او 30 مليون شويه

جدللللده

بتحب مصر

بحبها بس زعلانه منها

بتحب البنات
و اكرههم ليه بس ؟؟ ولا حد يكرههم ليه؟؟
انت مسلم
الحمد لله الذي هدانا لهذا وما كنا لنهتدي لولا ان هدانا الله
ليه؟

اكيد في الاول عشان اهلي كانوا مسلمين فانا بقيت مسلمه بالتبعيه بس كل ما كبرت وفهمت بحمد ربنا كل يوم انه هداني اني اكون مسلمه عشان الاسلام هو دين الحق و دين الفطره

ااااااااااااه اني اتنفس تحت الماء دلوقتي

في ايههههه

اهي اهي اهي

ماشي يا نوني

التالت

على رأي انور وجدي في فيلم امير الانتقام
اكتر حد ماتقدرش تستغنى عنه؟

مامااااا واخوياااااااااا
و ليه
عشان مصر هيا امي نيلها جوا ... ييييه مش دا معلش الشريط سف

عشان ماقدرش استغنى عنهم بكل ماتحمله الكلمة من معنى
ايه أكتر موقف محرج تعرضت ليه

انا اتعرضت لكذا موقف محرج بس مش فاكره حاجه قوي دلوقتي بس آخر حاجه

كانت واحده نعرفها عندنا وبعدين بتشكي من بنت اختها الي كل شويه ترفض حد وانها مستقدملها واحد وهيا مستخساراه فقالتلي روزا ترضي انتي تتجوزي واحد عنده 33 سنه؟؟ قلتلها انا؟؟ وانا يعني هاخد عريس شوشو ؟؟ لا طبعا مش هتكون ظريفه راحت قايله لا مش ليكي انا بس بقول انتوا سن بعض فاعرف رايك

طبعا كان موقف بااااااايخ ايه العالم الي بتتلكك دي

:D
و اتصرفت ازاى
وش احمر واخضر و ازرق ونيلي و بنفسجي وغلوش غلوش غلوش
ايه الأمنية اللى بتدعى دايما ربنا انه يحققها ليك
ان ربنا يسعد قلب ماما ويريحها ويفرحها دايما :)
و اتحققت ولا لسة
في تقدم بس ربنا يسهل عشان في شوية حاجات لو حصلت عارفه ان ماما هتكتمل فرحتها بيها
هأمرر التاجات الحلوات دول لمييييييييييييين؟

والله انا بشفق على الناس

بس التاج المكتوب على الجبين لازم يشوفه المدونين

:D

:P

قصاقيص مشاعر
at creation
Hannoda
فوضى الحواس
خدي ودني..... riri
.:.-=- ELGaZaLy-=-.:.
ضد الظلم
another rosa Dream
proid
قلوب حائرة
gohaina
voice of love
yasmina

وجهة نظر
عادي بقا

شريف و الحب
للحب وجوه اخرى
حكاية ... معرض الأيام
wanna b a groom مقبرة التاجات

عيشوا حايتكم بقا

وبعد الانتهاء دي بقت روزا بعد التعديل

هلا منحتني ذلك اليوم؟؟

يلفني شعور قاتل بالحزن والاكتئاب والافتقاد
اشعر أنني افقد نفسي تدريجيا
افقد ذلك الثبات الذي ادعيه منذ افترقنا

حتى نبضات القلب تخفت يوما بعد يوم... واعلم جيدا انها ستتوقف قريبا
كلما مرت الأيام ازدادت ذكرياتنا وضوحا وثباتا
كلما مرت اليالي ازدات وحدة و شقاء
افتقدك كثيرا ارغب في رؤيتك
افتقد صوتك في حياتي .... ارغب في محادثتك
امنع نفسي كثيرا من أن أهاتفك
أردت اليوم و بشده أن أهاتفك و أقول لك .... فقط امنحني هذا اليوم يوم خاص بنا من حياتك
سأرتدي دبلتي و تردتي خاصتك .... ان كنت مازلت تحتفظ بها

لنتحدث كان شيئا لم يكن.... كأننا نكمل ما بدأناه فقط لليوم

سأدعى فيه أنى سعيدة كما كنت
ستشرق شمسي و ستنبت ورودي

وسأطلق عصفورتي لتغرد في السماء كما لو أنها لن تغرد بعد ذلك اليوم ابدا

و سأفرح كما لن افرح في حياتي بعد ذلك
هل تمنحني هذا اليوم من السعادة؟؟
فقط لننسى ما كان
فقط ليوم واحد
فقط احتاج لهذا اليوم
لا اعرف إن كان صواب أم خطا
اعرف أنها فكره مجنونة تماما كصاحبتها كما كنت دائما تخبرني عن جنوني في حبك
أعلم أنها ستزيد من شقائي بعد انتهائها .... لكن احتاجها واحتاجك
فهل تمنحي إياه ؟
أعدك لن أعاتبك ... لن أريك دموعي.... لن نتحدث عن ما كان أو سيكون بعد انتهاء ذلك اليوم
فاليوم مخصص لسعادتنا
فقط احتاج أن أعيش يوم آخر من حبنا

فقط امنحني ذلك الشعور الذي كان يلفني و أنا معك لكي تتشبع روحي منك فتأخذ معينها منك لكي تستطيع أن تحيى بعدك على ما تبقى من روحك لديها ...... فرحيلك المفاجئ لم يهملها الوقت كي تتشبع منك
ربما يكون لقائنا الأخير

ربما كل ما به ادعاء و محض تمثيل للسعادة

فقط احتاجه ...احتاجه و احتاجك

فهلا منحتني اياه؟؟